Ge Tú Pọ́ì Ńkem̀ Gbò Nèèmà Gyã́á Kà Tõ̀ò Gbò Nen

Besĩ́ à kalá dọ̀ deè nàànù ténì zelí mm̀ gbáá 32 C.E., Jíízọ̀s beè sí ene kà tóm dũ̀ùnè, ea dú áá ní e bà gbá emí mm̀ ténì kà kpá ea kọ́ nú ea kil ló Kráìst.

Tení dú ló nakà tóm dũ̀ùnèí, Jíízọ̀s tú nòòkúu gbẹẹ́ kẽ e ẹlẹ ólò elá boo siimá tóm deè nieí.

14:16-21

• Jíízọ̀s beè kọ́ nè pá a gbò nyòòne nvée kọ bàá nè gyã́á gã́bug gbò nená, kọbèè áá vòò kpò fétúlú nè bàà paà gyã́à ní ea beè dì vá báẹ́

• Jíízọ̀s beè gbóó tú vòò kpò fétúlúá nè pálàa paà gyã́àa sẹ̀ẹ̀a bá, vaá õá Bàrì zaá boo, à gbóó bagi fétúlúá nvee bá gbò e bà ólò nyoonée nvée kọ bà á nè gbòa

• Nu bọ̀ọ̀ ló beè naaá, gyã́á ge dè beè sigá ló dénè nen. Jíízọ̀s beè tú pọ́ì ńkem̀ gbò—níà pá a gbò nyòòne nvée—nèèmà gyã́á kà tõ̀ò gbò nen

  

• Jíízọ̀s beè kọ́ gbẹẹ́ kẽ kọọ̀ mm̀ gbò dee deè nvéè dee, àé íè bá ló nen ea é tú “gyã́á” ea aa bá Bàrì nè pá a gbò “boo tṍó.”—Máát. 24:45

• Mm̀ gbáá 1919, Jíízọ̀s beè íbá ló “nen tóm e a nyímá nu vaá bọ́ ló dẹ̀lẹ̀ nyíe boo,” ea dú ńkem̀ gã́bug gbò e bà dṹùnà gbò e Bàrì beè tṍ va nóo ból, kọ bàá ẹ̀b nú ea kil ló “pá a gbò tóm,” ea dú gbò e bà gé dé gyã́áí ã́

• Jíízọ̀s gé nyoone nvéè nòòkúu ea beè gbẹẹ́ kẽ mm̀ túá gbò gbáá á, tení dú ló ńkem̀ gã́bug gbò e Bàrì beè tṍ va nóo bólí

Mósĩ́ deè ní e nda é láá zogè kọ m̀ monì vaá nvèè ka ló sĩ́deè e Jíízọ̀s gé tú búma ea aa bá Bàrì nè gbò nené?