Gbò Bélè E Íè Lọl Ló Gè Tú Kpá Lẹ́ Mm̀ Nu Kọọmá Kpẹ̀a Beeá Ló Zivèkà Bàlà Booí

Dẹ̀ẹ̀a boo nú ea di mm̀ kpá Tóm 5 togó, gbò nyòòne nvéè Kráìst e ba beè di mm̀ túá gbò gbááá beè àà kil mm̀ tọọ̀ káí kiẽ́e e bàé láá mongì gbò nen, boo béè ge kọ́ kpẹ̀a nè va. (Tóm 5:19-21, 42) Deè nieí, e mon gã́bug lé kpẹ̀a ea silà aa ló gè lẹ́ kpá mm̀ nu kọọmá kpẹ̀a kiẽ́e gbò nen bọọ.

Ẹ̀B VÍDIÒ EA KỌLÀ: GBÒ BÉLÈ E ÍÈ LỌL LÓ GÈ TÚ KPÁ LẸ́ MM̀ NU KỌỌMÁ KPẸ̀A BEEÁ LÓ ZIVÈKÀ BÀLÀ BOOÍ, VAÁ Ò GBÓÓ AALÁ GBÒ BÍBVÍ:

• 

  Mó gbáá nè sĩ́deè ní e gè lẹ́ kpá mm̀ nu kọọmá kpẹ̀a beè dààmà togó é?

• Mókà gbò lé ní e níí gè lẹ́ kpá m kpọlẹ̀ íe èlmà ge lẹ́ kpá boo gàsì té é?

• Éé ní eé láá nó lọl ló nú e Mi Jung You beè tení bá ẹ́?

• Mósĩ́ deè ní e nú ea beè naaá ló Jacob Salomé baatẽ́ bélè ea di ló nu gè lẹ́ kpá m kọọmá kpẹ̀a ẹ́?

• Éé ní e nú ea beè naaá ló Annies nè a dóm nóòmài ea kil ló sĩ́deè bé eé láá palàge tú nu gè lẹ́ kpá m kọọmá kpẹ̀aí siimá tóm naa ẽ́?