Ó Gá Zaali Kyáá Bel

Deè nieí, bel e nen ló gé láá vàlẹ̀ bá zààlà iná ló gã́bug gãà gbò nen tení mm̀ kpá e bà émí, boo lédiò, kpó ẹb, nè boo íntanèt. Gbò e bà ólò fã̀ “Bàrì kà kà bel” náa ólò gbĩ́ gè zaali kyáá bel, kọbèè tṍó e bà náa nyímá. (Ps 31:5; Ẹ́xọ. 23:1) Kà agẹbá pọ́lọ́ kpẹ̀a ólò láá sìlà aa mm̀ kyáá bel e gbò nen kọ́ zaali. Kọbé ò láá nyimá be è bel eo dã́à dú kà kà, bĩiná o bá kọọ̀:

• ‘É kọọ̀ m̀ gé láá dẹlẹ nyíé boo kiẽ́e em dã́à lọ̀l?’ Àé láá dú kọọ̀ nen eo dã́à lọl gã́ náa nyímá dénè nú ea kil ló. Bel ólò nyaaá tṍó ea aa gã́ enè nen dọ gã́ dõòna nèn. Vóà naa, ó gá ló bel e bè nóo nyímà bé ea beè dààà togó naa. Tã́gíní bé e ólò dẹlẹ nyíé boo gbò bel ea aa gã́ gbò e bà íe dọ̀ tóm mm̀ bõ̀ònatõ̀òa, à palàge bọ́ló kọ bàá ié ọ̀ẹ̀ dẽe kọbé bà náa ló bel e bà náa agala boo kọ à dú kà kà

• ‘É kọọ̀ bel em dã́àí dú pílì?’ Be à gá náa vaá à kyọ̀ lé bée nen àbèè gbò nen, àé palàge dú lé kọ née zaalì.—Pró. 18:8; Fíl. 4:8

• ‘É kọọ̀ m̀ é láá ziga ló belá?’ Ié ọ̀ẹ̀ dẽe tṍó eo dã́à agẹbá bel ea kil ló nen àbèè nú ea nááá ló nen

Ẹ̀B VÍDIÒ EA KỌLÀ MÓSĨ́ DEÈ NÍ EM LÁÁ KÙB GE BÃ̀ PÍLÌ E? VAÁ Ò GBÓÓ AALÁ NAGBÒ BÍBVÍ:

• 

  Dẹ̀ẹ̀a boo nú ea di mm̀ kpá Próvẹẹ̀b 12:18, mókà pọ́lọ́ kpẹ̀a ní ea é láá sìlà aa ló bel e nen ló é?

• 

  Mósĩ́ deè ní e kpá Fílipaì 2:4 nveè bá nèi kọ é láá nè béèlàfùl e nyìmànù di m ea kil ló bel e lóò ea kil ló dõòna gbò e?

• 

  Éé ní ea bọ́ló kọ é naa tṍó e dã́à gbò bel nvèèmà lẹ́ àbèè pọ́lọ́ bel ea é láá kyọ̀ béè dõòna nèn ẽ?

• 

  Besĩ́ è kálá ló bel ea kil ló dõòna gbò, mókà gbò bíb ní ea bọ́ló kọ é bĩiná bẹẹ bá ẹ́?