GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Kọ́ Kpẹ̀a Tenmá Boo Fóòn
NÚ EA NÁA VAÁ À DÚ BÍI: Ge kọ́ kpẹ̀a tenmá boo fóòn dú ene kà lé sĩ́deè ge “vee Lé Kpẹa.” (Tóm 20:24)a À ólò nvèè bá nèi kọ é kọ́ kpẹ̀a nè nen tṍó e dìtõ̀ò náa sọ́i tọ́ deè kọ é láá kyã̀àmà tọ síé ló.
BÉ EO É NÁA NAA:
Kpoogá dee ló. Sà togó bel ea bọ́ló. Tṍóá ò gbóó emí bel eo gbĩ́ì ge lò, dẽè kpá. Òó láá kpoogá nágé dee ló ńkem̀ bel ea baatẽ́ tóm̀ bùlà ea náa vaá ò kolí kól é be à gá náa vaá ńzì ní ea áálá ẹ́. Àé palàge dú lé be ò ĩ́ìtẽ́ kpàn tébòl e kpá eo beè emí nu dẽeá nè dõòna kà gbò nú eo é íe bíi ló di boo, dì belí fóòn àbèè kòmpútà eo ni kuulà JW Library® àbèè jw.org® boo.
Dĩine ló o bùlà. Ló bel belí bé eo ólò ló bel naa. Kpeeve sĩ́ mang vaá ò tú bá loomá bel belí kọọ̀ ò gé mon nená. Ó gá olòó dõogẽ sigi o bel tṍó e bè náa bọ́ló. Àé palàge dú lé beè dõòna nèn dì ní ló tṍó eo gé kọ́ kpẹ̀a mm̀ na sĩ́ deèí. Be à gá náa vaá tẹ̀ íè tọá à bĩiná bel, tení boo bíbvá tẹlẹ bàlà kẽ naa ní e nen ea dì ní lóá é láá nvèè bá gbĩ́ a ààla
Tení ló bel ea é náa kọ ó láá kpáá òòa kẽ gé kãá ẽ gbẹẹ́ kẽ. Be nená íe lèèma, òó láá sọ̀ bá bíb eo é áálá dõòna tṍó eo é kólíé gbẹẹ́ kẽ. Òó láá lẹ̀ẹ̀là kpá e bọọ bel dẹẹ̀a boo tenmá boo e-mail máe àbèè ò kyãàmà tọ máe. Àbèè kọọ̀ òó láá lẹ̀ẹ̀là ene kà bẹẹ gbò vídiò àbèè togó bel tenmá boo e-mail àbèè boo fóòn máe. Tṍó ea bọ́ló, òó láá kọ́ nè nená nú ea kil ló dõòna kà gbò nú ea di boo bẹẹ website
a Be log sọtọ́ deè kọ òó láá tú fóòn kọọmá kpẹ̀a kiẽ́e eo dì, òé íè ge naá boo bá ea gbááá ló nòònù e log ténmá.