NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Gè Olòó Bĩiná Bíb
Jìhóvà ea dú ‘Bàrì ẹ́ẹ́ nyíe’ gbĩ́ kọ é dé kpéè ló bẹẹ sìtóm kọ̀ kpẹ̀a. (1 Tím. 1:11) Èé kpáá ié ẹ́ẹ́ nyíe tṍó e piigà boo gè sìm kilsĩ́ mm̀ bẹẹ kalì ge kọọmá kpẹ̀a. Gè bĩiná bíb é láá naa kọọ̀ nen á ié lèèmá mm̀ bel e gé ló, vaá níà sĩ́deè e ólò dààmà togó loa sọ́lẹ́. Bíb ólò naa kọọ̀ nen á bugi togó boo nú e gé kọ́. (Máát. 22:41-45) Tṍó e bĩ́ìnà bíb nen vaá pãane tṍ ló a ààla, à bélí kọ è gé kọ́ nè nená kọọ̀ ‘Ò palàge bọọ ḿ ló.’ (Jém̀z 1:19) Bé e nená áálá bíbvá naa e nveè bá nèi kọ é nyimá nú eé kpáá kọ̀.
Ẹ̀B VÍDIÒ EA KỌLÀ IÉ Ẹ́Ẹ́ NYÍÉ EA AA LÓ GÈ NAA KỌỌ̀ GBÒ NEN Á NYOONE NVÉÈ KRÁÌST—SÌM KILSĨ́ MM̀ O KALÌ GÈ KỌỌMÁ KPẸ̀A—GÈ OLÒÓ BĨINÁ BÍB, VAÁ Ò GBÓÓ BĨ́INÁ NAGBÒ BÍBVÍ:
Mókà gbò lé kpãa ní e Jade beè ié é?
Mósĩ́ deè ní e gbò bíb e Neeta bĩ́íná zógè kọọ̀ à ié lèèmá mm̀ nen ea gé kọ́ kpẹ̀a nè ẽ?
Mósĩ́ deè ní e Neeta beè tú bíb siimá tóm mm̀ ge naa kọọ̀ Jade á kpáá ié lèèma mm̀ lé kpẹ̀a ẹ́?
Mósĩ́ deè ní e Neeta beè tú bíb nvèèmà bá nè Jade kọ á bugi togó boo nú e bà gé nó ẽ́?