Kilsĩ́ Gè Di Kpènà Ló Mm̀ Gbò Dee Deè Nvée Ea Di Ló Gbò “Dee E Tṍó É Gé Tàí”

Boo tṍó e dì e gé ĩimà kèbá gbò dìtõ̀ò e “dee deè nvéè deeí” fáálá, è ẹbmà dẽe kọọ̀ tã̀àgã̀ é kpáá zoogá èl vóí. (2 Tím. 3:1) Tṍó e kpeè sĩ́ ló tã̀àgã̀, gbò níí Jìhóvà ólò ié tùle ea kyãa boo tṍó ea é láá dùùlà ba dùm. Beè vó bẹẹ dùùà é láá dẹ̀ẹ̀a boo gè di kpènà ló gè gbàntṍ ló gbò tùle e bà néi kátogóí, ea kil ló bẹẹ fã̀ Bàrì nè ge kpoogè dee ló sìgà nú eé íe bíí ló gè tõ̀òma dùm.—Lúùk 16:10.

• Kpoogá dee ló nyòòmà ge fã̀ Bàrì: Pììgà ge láá noo nu leevè. Nó kele-kele sĩ́deè ge kọọmá kpẹ̀a. Nyíé ni á gá tã̀àgã̀ be à íe nú ea dáálá ni lọl ló pá bọọ bõ̀ònatõ̀ò mm̀ kélè dẽè tṍó. (Àìz. 30:15) Jìhóvà nè Jíízọ̀s dì ní ló lee.—od 176 ¶15-17

• Kpoogè dee ló sìgà nú eo é íe bíí ló: Gbá ló bẹ̀lẹ̀ eo beè nvèè gbò nú eo é íe bíi ló mm̀ beè bùló nu nááá, buù kà pá tọ á ié sìgà gyã́á, múú, biè, nè gbò nú ea bélí vó e bà kpóògè dee ló sẹlẹ, kọbé be à gá náa à íe nú ea náa kọ bàá gbẹá tẽ̀ènè ketõ̀ò mm̀ begè dẽè tṍó, bà íe nu ge dè.—Pró. 22:3; g17.5 4, 6

Ẹ̀B VÍDIÒ EA KỌLÀ O KPÓÓGÁ GÉ DEE LÓ NYÒÒMÀ BÚÙLÓ KYỌ̀ÀSĨ́ NU? VAÁ Ò GBÓÓ AALÁ NAGBÒ BÍBVÍ:

• 

  Mósĩ́ deè ní eé láá kpoogá dee ló nyòòmà ge fã̀ Bàrì be à gá náa bùló kyọ̀àsĩ́ nu à naaá ẽ́?

• 

  Éé ní ea náa èé . . .

  • zọ gbò kànen loá bel leevè e?

  • kpóògè dee ló sìgà nu nvee mm̀ bẹ̀lẹ̀ nyòòmà bùló nu ẽ́?

  • bugi togó boo íb bùló nu ea é láá naaá nè nu gè naa kèbá buù íb dìtõ̀ò ẽ?

• 

  Mókà taà sĩ́ deè ní eé láá nvèèmà bá nè dõòna gbò tṍó e bùló nu nááa vá ló é?

BĨINÁ O BÁ KỌỌ̀, ‘Gbò éé ní em é láá nó lọl ló pọ́lọ́ kom ea kọlà COVID-19, ea kil ló gè kpoogá dee ló é?’