Gbò Nvín Ãa—Kọi Bọọ Bùlà Nei Bọọ Tẹ̀ Nè Bọọ Kà

Éé ní ea náa vaá òó kọ́ gbò nú eo bugì togó boo nè o tẹ̀ nè o kà ẹ? (Pró. 23:26) Boo béè kọọ̀ baala ní e Jìhóvà beè kọ bàá ẹ̀b nú ea kil ní ló é. (Ps. 127:3, 4) Àé tavàlà vá ló gè ẹ̀b nú ea kil ní ló be ò gṍ gbò nú ea tãagẽ́ ni lọ̀l vá ló. Nagé, àé náa kọọ̀ ó gá láá nó nu lọl ló gbò nú e ba ni téní bá mm̀ dùm. É kọọ̀ à dú pọ́lọ́ be née kọ́ọ̀ dénè nú ea dìí bùlà nè va? Níì vó nì—be à gá náa vaá née gṍò va nu ló boo béè ge kẹlẹ́ va.—Pró. 3:32.

Mósĩ́ deè ní eo é láá loomá bel nè o tẹ̀ nè o kà ẹ? Pììgà ge sà tṍó ea é léé ló baala nè ọ̀ọ̀. Be à tavàlà ní ló gè naa vó, òó láá emí kpá kọọmá bé e nu tọ́a ní ló naa nè va. Vaá be à gá náa bà gbĩ́ gè zọ̀ ni loá bel boo nú e bè náa léémá ni ã̀? Kẽ̀èa boo kọọ̀ bà gbĩ́ gè nvèè bá nè ni. Ẹ̀b o tẹ̀ nè o kà naamá gbò e bà gbĩ́ gè nvèè bá nè ni, níì gbò ọ́b nì. O pììgà ge zọ̀ va loá bel mm̀ táàa ló é dọ bélè nè ni dénè deé mm̀ o dùm, vaá nvèè bá naa kọọ̀ ó íe dùm e bè náa tá.—Pró. 4:10-12.

BÌLÀ VÍDIÒ EA KỌLÀ NÀ DÙM TṌÓ EM DI-DÍ ÒB NÈ SÌGÀ GBÁÁ—MÓSĨ́ DEÈ NÍ EM É LÁÁ ZỌ̀ NÀ TẸ̀ NÈ NÀ KÀ LOÁ BELÉ? VAÁ Ò GBÓÓ BĨ́INÁ NAGBÒ BÍBVÍ:

• 

  Éé ní e Esther nè Partik beè nyimá ea kil ló ba bá ẹ́?

• 

  Éé ní eo é láá nó lọl ló nu dòòmà bá Jíízọ̀s e?

• 

  Mósĩ́ deè ní eo tẹ̀ nè o kà ni zógè kọọ̀ bà bulàẹ̀ nú ea kil ní ló é?

• 

  Mókà gbò nòòkúu ea di mm̀ Kpá Káí ní ea é láá nvèè bá nè ni ẽ́?