“Vulà . . . Náa Ólò Dàlà Kpá Ló Boo”

Vulà ólò nvèè bá nèi kọ é kìlmà kpá ló kẽ. (1 Kọ́r. 13:4) Tṍó e vulè pá vígà, née ólò ẹ̀b bẹẹ bá belí kọọ̀ è bọọ̀ èl va. È ólò mòn lé ea di mm̀ dõòna gbò vaá tú bẹẹ kalì nvèèmà bá nè va. (Fíl. 2:​3, 4) Buù bé e íè íb vulèá naa, níà bé e Jìhóvà é kilsĩ́ gè túi siimá tóm mm̀ ge naa a bùlà naa ẽ́.

Ẹ̀B VÍDIÒ EA KỌLÀ KẼ̀ÈA BOO BÉ E VULÀ ÓLÒ LABVÍ LÁB NAA​—NÁA ÓLÒ DÀLÀ KPÁ LÓ BOO, VAÁ Ò GBÓÓ AALÁ NAGBÒ BÍBVÍ:

• Mókà gbò dõ̀ònù ní e Ábsalọ̀m beè ié é?

• Mósĩ́ deè ní ea beè tú gbò dõ̀ònù ea beè ié siimá tóm boo bá e bè náa bọ́ló é?

• Mósĩ́ deè ní eé láá kìn dùm dàlà kpá ló boo é?​—Gàl. 5:26