Sĩ́deè Ge Tú Gbò Vídiò Ge Sẹ̀ẹ̀mà Nò Kpá Káí Siimá Tóm

È íè ténì kà vídiò ge sẹ̀ẹ̀mà nò Kpá Káí tṍó e gé kọ́ kpẹ̀a. Éé ní ea dú bùlà ea di nvéè buù kà vídiòí é?

• 

  Éé Ní Ea Náa Vaá È Nó Kpá Káí É?​—Ńbegè Dẽe: Ba beè naa nakà vídiòí kọbé à náa kọọ̀ gbò nen á ié lèèmá mm̀ Kpá Káí, e náa dẹẹ̀a boo ba bõ̀ònaló fã̀. À ólò siè kpóó ló gbò e bà ẹb kọ bàá gbĩ́tẽ́ ló gbò ààla ea kil ló gbò pọ̀bkà bíb ea di mm̀ dùm lọl mm̀ Kpá Káí, vaá nè ààla mm̀ sĩ́deè ea válí gè dã́tẽ́ ló. À baatẽ́ bé eo é láá bĩiná kọ bàá noòmàè ni Kpá Káí naa.

• 

  Éé Ní Ea Náa Vaá È Nó Kpá Káí É? (ńkpulu dẽe): Níí bélí nágé a ńbegè dẽeá, sõò níá é láá dõ̀òà taà tóm níí. Níí é láá palàge siá tóm leevè gbẹá kiẽ́e e gbò nen náa ié gã́bug tṍó ge zọ̀ọ̀mà nen loomá sọ́l.

• 

  Éé Ní Ea Ólò Naaá Tṍó e Bàé nó Kpá Káí é?: Ba beè naa nakà vídiòí kọbé à náa kọọ̀ gbò nen á ié lèèmá mm̀ bẹẹ nòònù ge nó Kpá Káí e née ólò tú kpègè ló, vaá à áálá nágé sìgà bíb e gbò nen é láá bĩiná, nè bé eo é láá bĩiná kọ bàá noòmàè ni Kpá Káí naa.

• 

  È Zaavà Ní Ló Nvee Mm̀ Ge Nó Kpá Káí: Ba beè naa nakà vídiòí boo béè ge zogè nen eo ólò noòmà Kpá Káí tṍó e bọọ nò Kpá Káí ni síi kúm kẽ. Náa kal ló béè kọọ̀ boo a bàà kà náásĩ́ mm̀ kpá ea kọlà Dé Kpéè Ló Dùm Dọ̀ọ̀mà Dè-dè! ní e vídiòí dì e, òé láá zogè nàgé tṍó eo gé zọ nen loá bel lọl mm̀ bróshọ̀ ea kọlà Dé Kpéè Ló Dùm Dọ̀ọ̀mà Dè-dè! Vídiòí kọ́ gbò nú ea di mm̀ kpáí nè nú e nená é ẹbmà dẽe gè nò.

Náa kal ló béè kọọ̀ à íé bùlà ea di nvéè buù kà vídiòí, èé láá zogè kọ̀láá kà àbèè è lẹẹlà má gbò nen tṍó ea bọ́ló. À dú gè siè kpóó ló gbò kọ̀ kpẹ̀a kọ bàá palàge nyimá gbò nú ea di mm̀ vídiòí vaá tú siimá tóm leevè.