Kele Íb Nòònù Ge Vee Nú Ea Kil Ló Boǹ Méné Bàrì Mm̀ September!

Mm̀ September, èé palàge siá kpóó ló mm̀ ge naa kọọ̀ gbò nen á nyimá kọọ̀ áá Boǹ Méné Bàrì ní ea é láá nvèè kùbmà ló tã̀àgã̀ gbò nen ẽ́. (Máát. 24:14) Mósĩ́ deè ní eo é láá dõ̀ònà tõ̀ò ló é? Bugi ene kà dọ̀ Kpá Káí ea ló bel kilma ló Boǹ Méné Bàrì nè gã́bug nen eo láà zọ̀ loá bel ẽ́á. Beè nen zógè lèèmá m, neè The Watchtower No. 2 2020. Vàlẹ̀ bá noo gè sì gé kyãa nená, vaá ò piìga boo gè noòmàe Kpá Káí lọl mm̀ bróshọ̀ ea kọlà Dé Kpéè Ló Dùm Dọ̀ọ̀mà Dè-dè! Kọ̀láá gbò e ba beè bã boo sìtóm kọ̀ kpẹ̀a mm̀ ńkpulu dẽè tṍó ló September é láá sà ge nè 15 àbèè 30 kà ávà.

Pọ́ì ńkem̀ tṍó àla, Boǹ Méné Bàrì é kyọsĩ́ kọ̀láá kà bẹlbẹ̀l ea gé bé uú é boo. (Dán. 2:44; 1 Kọ́r. 15:24, 25) Naanii èé tú nakà kele íb nèà deèí siimá tóm leevè mm̀ ge zogè kọọ̀ è nveè sãa kúm Jìhóvà nè a Boǹ Méné!