APRIL 1-7
PSALMS 23-25
Sọ́l ea Gã́bug dú 4 nè Tã̀àgãló | Gbò Bel Ge Dààmà Togó (1 mínìt)
1. “Jìhóvà Ní Ea Dú Nà Neǹ Kùdẽe Ló É”
(10 mínìt)
Jìhóvà ólò nèi tùle (Ps. 23:1-3; w11 5/1 31 ¶3)
Jìhóvà ólò kpènài (Ps. 23:4; w11 5/1 31 ¶4)
Jìhóvà ólò nèi gyã́á (Ps. 23:5; w11 5/1 31 ¶5)
Jìhóvà ólò ẹ̀b nú ea kil ló pá a gyóòlo belí bé e lé neǹ kùdẽe ló naanà ból ólò ẹ̀b nú ea kil ló gbò a naanà ból naaá.
BĨINÁ O BÁ KỌỌ̀, ‘Mósĩ́ deè ní e Jìhóvà ni ẹb nú ea kilím ló é?’
2. Gbò Lé Nu Ea Di Mm̀ Kpá Káí
(10 mínìt)
Ps. 23:3—Éé ní ea dú “èèlè lé lab dògò” e, vaá éé ní ea é nveè bá nèi kọ é gbẹá boo é? (w11 2/15 24 ¶1-3)
Mókà gbò lé nu ea di mm̀ bugì Kpá Káí sèí ní ea é léémá ni gè kọ́ nèi ẽ́?
3. Bugì Kpá Káí
(4 mínìt) Ps. 23:1–24:10 (th 5 nu gè nò)
4. Ge Dààmà Togó Loa Sọ́l
(3 mínìt) GE KỌ́ KPẸ̀A TṌÓ E NÓO BEÈ NOO. Bugi dọ̀ Kpá Káí ea é nveè nyíé gbàà nen ea kọ́ nè ni kọọ̀ à íèè tã̀àgã̀ bùlà ea kil ló nú ea gé nááá kĩée ea diè. (lmd 5 gá boo 2 nu gè nò)
5. Ge Sì Gé Kãa Nen
(4 mínìt) GE KỌ́ KPẸ̀A AA TỌ DỌ TỌ. Zogè nen eo beè nè bróshọ̀ ea kọlà Dé Kpéè Ló Dùm Dọ̀ọ̀mà Dè-dè! bé e ólò zọ̀ gbò nen noá Kpá Káí naa. (lmd 3 gá boo 9 nu gè nò)
6. Ge Naa Kọọ̀ Gbò Nen Á Nyoone Nvéè Kráìst
(5 mínìt) lff 4 gá boo 14 nu gè nò (lmd 3 gá boo 11 nu gè nò)
Sọ́l ea Gã́bug dú 54
7. È Ólò Kìn Bel Ea Aa Gã́ Neǹ Kyáà
(15 mínìt) Loa sọ́l.
Naanà ból ólò nyimá ló moǹ a tẹ̀ íe vaá nyoonée. Sõò, bà ólò teelá kil kpã́á tṍó e bà dã́ moǹ nen e bà náa nyímá ló. (Jọ́ọ̀n 10:5) Mm̀ tẽ̀ènè sĩ́deèá, è ólò gbàn tṍ ló moǹ gbò kùdẽe ló e bà bọ́ló dẹ̀lẹ̀ nyíé boo, e bà dú Jìhóvà nè Jíízọ̀s. (Ps. 23:1; Jọ́ọ̀n 10:11) Sõò, è ólò kìn bel e bà “dem” e náa dú kà-kà ea aa gã́ gbò kyáà e bà gbĩ́ gè ọọvẹ ló bẹẹ zìgà.—2 Pít. 2:1, 3.
Kpá Jénesìs taà togó kọ́ nú ea kil ló túá tṍó e neǹ kyáà beè ló bel. Sétàn beè gṍ nen ea dú, vaá sí ló Íìv gé kẹlẹ́ẹ. A beè sẹlẹ ló belí kọọ̀ à gé bulàẹ̀ nú ea kilíé ló, vaá gbóó kpọ́ kyáá bel ea kil ló Jìhóvà. À dú pọ́lọ́ kọọ̀ Íìv beè pãanée tṍ ló, vaá a beè tú tã̀àgã̀ tẹlẹ boo pá a tọ nè ẹ̀ẹ̀.
Deè nieí, Sétàn ólò gbĩ́ kọ é ié bàà-bàà bùlà tení dú ló gè zaali kyáá bel àbèè bel e náa aa deè dú kà-kà ea kil ló Jìhóvà nè a bõ̀ònatõ̀ò. À bóló kọ é teelá tṍó e dã́à moǹ neǹ kyáà! Gè zẹ́ẹ́ elá vaá gbàn tṍ kọbé è nyímá nú ea gbĩ́ gè kọ̀ dú gẹẹ-gẹẹ ló. Kuù súú bel ní e Sétàn beè ló mm̀ ńkem̀ tṍó e ba beè loomá bel besĩ́ à kalá láá kẹlẹ Íìv e? (Jén. 3:1, 4, 5) Èé kọ́ vàẹ beè nen e nyímà ló—beà sẹlẹ nen ea vulèi àbèè nen ea gbĩ́ kọ nu á leeí ló—gbĩ́ gè ló pọ́lọ́ bel ea kil ló bõ̀ònatõ̀ò Jìhóvà ẹ?
Bìlà VÍDIÒ Ea Kọlà Kìn “Bel Ea Aa Gã́ Neǹ Kyáà.” Tṍóá ò gbóó bĩiná gbò e bà gé pãané ni tṍ ló kọọ̀:
Éé ní eo nóò lọl ló sĩ́deè bé e Jade lábví láb naa tṍó ea kà e náa ólò fã̀ Jìhóvà gbĩ́ gè ló pọ́lọ́ bel ea kil ló bõ̀ònatõ̀ò Jìhóvà ẹ?
8. Nò Kpá Káí Bõ̀ònatõ̀ò
(30 mínìt) bt 8 togó ¶1-4, gbò ńkpó ea di boo 61-62 náásĩ́