Tṍó Ea Kil Nvéeá Bàrì Beè Ĩ̀ìmà Vaá Ẹ̀b Pọ́lọ́ Gbò Nen Lọ̀l Dẽesĩ́

Bàrì ólò ia ló bẹẹ pọ́lọ́ nèi tení dú ló ú vààa gyọ́ọ̀ Jíízọ̀s. (Ẹ́fẹ. 1:7) Sõò Kpá Káí kọ́ọ̀: “Bàrì náa vóí m ge zogè a lé lab dògò. Tṍó ea kil nvéeá a beè ĩ̀ìmà vaá ẹ̀b pọ́lọ́ gbò nen lọ̀l dẽesĩ́,” níí beè olòó naaá besĩ́ Jíízọ̀s à kalá tú a dùm vaamái gyọ́ọ́ boo. (Róm̀ 3:25) Mósĩ́ deè ní e Jìhóvà beè láá naa níí vaá kilsĩ́ gè dú Bàrì lé bèèla ẹ́?

Jìhóvà beè zìgà kọọ̀ a “nvín” é duulà gbò e bà íèe zìgà m vaá dẹlẹ nyíé boo gbò nú ea beè zìgà. Vó à gbóó naa kọ á belí kọọ̀ a beè nèi nu ààaá besĩ́ à kálá zìgà gbò nuí. (Jén. 3:15; 22:18) Bàrì beè palàge nyimá kọọ̀ tṍó e tṍó é lée, a nvín é beè di kpènà ló gè tú a dùm vaamái gyọ́ọ́ boo. (Gàl. 4:4; Híb. 10:​7-10) Boo béè kọ Bàrì ní ea beè lẹ̀ẹ̀là Jíízọ̀s domá boo kunukẽ̀í ẽ́, a beè ié kpóó gè ia ló pọ́lọ́ besĩ́ à kalá tú a dùm vaamái gyọ́ọ́ boo. Jíízọ̀s beè naa vó boo béè kọ a beè nyimá kọọ̀ a ú vààa gyọ́ọ é beè uu bá boo pọ́lọ́ gbò e bà íée zìgà m.​—Máát. 9:​2-6.