Ge Tã́ nu É Nveè Bá Nè Ni Kọ Ó Kẽea Boo Nú Eo Beè Nò

Náa ólò bọọgẹ̀ valí gè kẽea boo gbò nú e beè nò. Sõò, à ólò valíí ló gè kẽea boo gbò nú e Jíízọ̀s beè noomà boo béè gbò bel dòòle ló ea beè lò. È ólò láá dòòmà dẽe ló gbò nú ea beè kọ́ nú ea kil ló, vaá vó ólò naa kọ é láá kẽea boo gbò nú ea beè noomà. Mm̀ tẽ̀ènè sĩ́deèá, òé láá kẽea boo gbò nú eo nóò tṍó eo doomà dẽe ló bé e nú eo gé bugi nú ea kil ló beè naaá naa. Éé ní ea é láá nvèè bá nè ni kọ ó naa vó é? Ge tã́ nú ea é náa kọ ó kẽea boo gbò nú eo gé nó.

Gbò e bà ólò tã́ nu ea kil ló nú e bà gé nó ólò láá kẽea boo nú e ba beè nò. Ge tã́ nu ólò nvèè bá nè va kọ bàá palàge dã́ ból ló vaá nyimá kà ea di mm̀ nú e bà gé nó. Nú e bà tã́ náa ólò palàge bọọ́ kà, sõò à ólò dú nú ea válí bá. Gbò e ba ni dú kànen mm̀ dee ólò láá vàlẹ̀bá kẽea boo nú e ba beè nò tṍó e bà tã́ nú ea kil ló.

Dõona tṍó eo é nó nu, òé láá dò ge tã́ nu ea kil ló nú eo gé nó. Àé láá bọọ ní ló kọ ge naa vó é náa kọ ó kẽea boo gbò nú eo nóò!