Nó Nu Kọbé Ò Kọ́ Gbò Nú Eo Ni Nó Nè Dõona Gbò

Lóói ólò dĩ̀ìnà tṍó é gé nó Kpá Káí, sõò lóói ólò palàge dĩ̀ìnà tṍó e kọ́ọ̀ gbò nú e nóò lọl mm̀ Kpá Káí nè dõona gbò, kọbé à nveè bá nè va kọ bàá tõo bã ló Jìhóvà. Kpá Próvẹẹ̀b 11:25 kọ́ọ̀: “Kọ̀láá nen ea ólò naa kọọ̀ lóó dõona gbò á dĩ̀ìnà é íe dĩ̀ìnè ló.”

Tṍó e kọ́ọ̀ gbò nú e nóò nè dõona gbò, à ólò nvèè bá nèi kọ é kẽea boo vaá dã́ ból ló gbò nú e beè nò. Vaá boo béè kọ gbò gáá é láá nvèè bá nè dõona gbò, à ólò naa kọ nyíéi á ẹẹ tṍó e kọ́ọ̀ gbò nú e beè nò nè va.​—Tóm 20:35.

Dò Níí: Mm̀ gbò sè ea gé dú sĩ́, gbĩ́ nèà deè ge kọọmá gbò nú eo beè nò nè dõona gbò. Òé láá kọ́ nè pá bọọ tọ, nen eo gbáì diaí mm̀ bõ̀ònatõ̀ò, nen eo ólò gbai siai tóm, nen eo gbáì diaí tọọ̀ kpá, nè o neǹ kègyṍó, àbèè nen eo monì tṍó eo gé kọ́ kpẹ̀a. Pììga boo gè baatẽ́ nú eo ni nó belí bé eo dã́à ból ló naa mm̀ sĩ́deè ea válí bá.

Kẽ̀èa Boo: Kọ́ nú eo ni nó kọbé à síè kpóó ló dõona gbò, níì ge nvèè ka ló o bá nì.​—1 Kọ́r. 8:1.