“Bàrì Dú Vulà”

1. Jìhóvà, pọ̀b kà Neǹ vulè

Kólíi nvee mm̀ A vulà.

Tṍó e vulè Bàrì nè nen,

È gé nó láb bẹẹ Bàrì.

Kà kà vulà dú kà lé nu,

À dĩine ló bẹẹ di dùm.

Vulè Kráìst náa gé kẹlẹ́-i.

Vulè Kráìst é túlè-i.

2. Vulè e í-è ló Bàrì

Nveè bá kọ é sìm kilsĩ́.

À náa kọọ̀ lóó-i ágá ọọ

Tãa vó, é kpáá i-é kpóó.

Vulè náa gé bẹ́ nyíe ló nen.

À ĩimà kọ̀láá íb nu.

Be è zọ pá vígà vùlà,

Vulà gé né-i zààvà.

3. Ó gá nè deè kọọ̀ bá kpóó súng

Á lẹ̀ẹ̀là bel ló o dùm.

Sọ̀tọ́ deè kọọ̀ tùle Bàrì

Nè A log á kpènà ni.

Naanii mè é vulè Bàrì

Vaá vùlè bẹẹ neǹ kè-gyṍó.

Íb vulè-í dobá beele

Kọ è bélì bẹẹ Bàrì.