Ge Nvèè Kùbmà Ló Bel Boo Lé Bá

Ẹ̀klìzíástìs 12:13, 14

GE KỌ́ MM̀ ŃKPULU BÁ: Tṍó eo lòbèl é gé iná kùbmà, siè kpóó ló gbò e bà gé pãané ni tṍ ló kọ bàá tú nu e bà nó siimá tóm.

BÉ EO É NÁA NAA:

• Naa kọọ̀ o bel ge nvèèmà kùbmà ló á gbaá ló o togó bel. Kpáá òòa boo àbèè ge tú dõòna kà moǹ bel kọọmá gbò pọ̀bkà gá ea di mm̀ o lòbèl nè o togó bel.

• Siè kpóó ló gbò e bà gé pãané ni tṍ ló. Dò bá nu e gbò e bà gé pãané ni tṍ ló é náa, vaá ò kọ́ nè va nú ea náa vaá à bọ́ló kọ bàá naa vó. Ló bel mm̀ sĩ́deè ea zógè kọọ̀ ò palàge àgala boo bel eo gé ló nè ge kọọ̀ à dú bíi.

• Naa kọọ̀ o bel ge nvèèmà kùbmà ló á valí bá vaá dú ńkpulu. Ó gá tú dõòna kà gá nvee na gbàà. Ló pọ́ì ńkem̀ bel dì belí bé ea dú bíi naa, ea é náa kọ bàá tú gbò nuá labmá láb.