SỌ́L EA GÃ́BUG DÚ 159
Tui Ka Nei Jìhóvà
(Psalm 96:8)
1. Tọ́ọ̀ nen náa bélí Jìhóvà,
Bẹẹ Tẹ̀ palàge dú lé.
Ò ólò tõó gbàn deè káála
Vaá lẹ̀ẹ̀là bel ló pá o gbò.
Tṍó e-m ẹbvì o bá tóm,
Bà zógè nen e o dúù,
M̀ moǹ o kpóó e Jìhóvà
Dénè o bá tóm dú dũ̀ùnè
(GE KŨUNE MON ZÌGÀ)
Nà lé Bàrì, m̀ gbĩ́ gè lèèlà ni,
Boo béè kọ ò bọọ̀ zoogá.
M̀ vulè ni boo béè o lé bá tóm,
N-da é vee o bọ́ọ́-bọọ;
Dénè ka á dì nè ni
2. Sóo-sóo e Jìhóvà Bàrì,
Naa kọ é láá nè ni fã̀.
Vaá kọ́ o lé tóm nè gbò nen,
Kọbé bà dẹlẹ́ ni nyíé boo.
O bée bọ́ló ka nè lèèlà.
Dénè o bá tóm dú lé,
Sóo-sóo nèm kpóó e nà Bàrì
Kọbé m̀ láá fã ni lee-lee.
(GE KŨUNE MON ZÌGÀ)
Nà lé Bàrì, m̀ gbĩ́ gè lèèlà ni,
Boo béè kọ ò bọọ̀ zoogá.
M̀ vulè ni boo béè o lé bá tóm,
N-da é vee o bọ́ọ́-bọọ;
Dénè ka á dì nè ni.
3. Tṍó e beéle dalà bẹẹ dẽe,
È mongì gbò o lé tóm,
È moǹ nàànì nè gyã́à káála
Nè dénè nú e-o beè dèm.
Kọ̀láá kà gbò o lé bá tóm
Ẹ́ẹ̀lẹ̀-i nyíè e Bàrì,
Beele leelà ni dénè dee
Boo béè kọ ò dem dénè nu
(GE KŨUNE MON ZÌGÀ)
Nà lé Bàrì, m̀ gbĩ́ gè lèèlà ni,
Boo béè kọ ò bọọ̀ zoogá.
M̀ vulè ni boo béè o lé bá tóm,
N-da é vee o bọ́ọ́-bọọ;
Dénè ka á dì nè ni.
(Bugi nagé Ps. 96:1-10; 148:3, 7.)