Tú Bá Kyèèlè Bã̀àma Ló Nen

Nú E Pọ́ọ̀l Beè Naa

VÍDIÒÍ: Pọ́ọ̀l Beè Kọ́ kpẹ̀a Nè Pá Átènz

1. Ẹ̀b VÍDIÒÍ, àbèè ò bugi Tóm 17:​22, 23. Vaá ò gbóó aalai gbò bíbví:

1. Mósĩ́ deè ní e gè mòn bé e pá Átènz fã kyáá ńbàlì naa beè tọá ló Pọ́ọ̀l ẹ?​—Ẹ̀b Tóm 17:16.

2. Tãa vó e Pọ́ọ̀l gbẹ́ pá Átènz, mósĩ́ deè ní ea beè tú kyèèlè kọọmá kpẹ̀a nè va dẹ̀ẹ̀a boo nú e bà ziga lóé?

Éé Ní E Nóò Lọl Ló Pọ́ọ̀l Ẹ?

2. Gbò nen é láá pãanéi tṍ ló be è tú ọ̀ẹ̀ dẽe sààmà bel e lóò nè tṍó e lóòmà.

Nó Pọ́ọ̀l

3. Tú ọ̀ẹ̀ dẽe sààmà bel eo é ló. Dì belí nu dòòmà bá, tṍó eo gé zọ nen e náa ziga ló nòòmànù ea di mm̀ Kpá Káí loá sọ́l, àé dú bíi kọ ó nyaaná bá ló gè kọ́ nú ea kil ló Kpá Káí àbèè ge kọ́ nú ea kil ló Jíízọ̀s nèe.

4. Ó gá gbẹá boo lele dee bá nen. Nèe tṍó kọ á kọ́ a bùlà. Be à ló bel ea téní kele ló nu e Kpá Káí nóòmà, ó gá zọ̀ẹ tàlà bel. (Jém̀z 1:19) Ge pãanée tṍ ló é náa kọ ó nyimá nú ea ziga ló nè nú ea náa vaá à ziga ló.​—Pró. 20:5.

5. Gbĩ́ kĩée ea lelà ea di gbàà a bel vaá ò ṍáe zaa. Àé láá dú kọọ̀ à palàge zìgà kọọ̀ nú e ba bõ̀ònaló fã̀ ziga ló di lèlà. Pììga boo gè ló bel boo nú e pálàa bọ̀ì zigàì ló, vaá ò gbóó lọ́ló kẽ nvèè bá nèe kọ á dã́ bọ́l ló nu e Kpá Káí nóòmà.