Ié Tóè Sàn

Nú E Jíízọ̀s Beè Naa

VÍDIÒ: Gã́bug Nená Beè Dú Ńsàn Nyíè Jíízọ̀s

1. Ẹ̀b VÍDIÒÍ, àbèè ò bugi Máàk 6:​30-34. Vaá ò gbóó aalai gbò bíbví:

1. Éé ní ea náa vaá Jíízọ̀s nè pá a gbò nyòòne nvée géè gbĩ́ gè kil kĩée ea é “dú áá ọ̀và” ẹ?

2. Éé beè naa kọọ̀ Jíízọ̀s á noòmà nuù gã́bug nená ẽ́?

Éé Ní E Nóò Lọl Ló Jíízọ̀s E?

2. Tóè sàn ólò naa kọ é nvèè bá nè gbò nen, níì áá gè kọ́ kpẹ̀a nèva nì.

Nó Jíízọ̀s

3. Palàge pãane tṍ. Sọ̀tọ́ deè kọọ̀ nen á kọ́ a bùlà. Ó gá bã̀é gá àbèè ge gbẹá boo ló bel nvee gbàà tṍó ea gé kọ́ bé e nu tọ́aẹ́ ló naa. Tṍó eo palàge pãanée tṍ ló, ò zógè kọ ò palàge bulàẹ̀ nú ea kilíé ló.

4. Bugi togó boo nen ea beè ié lèèma m-má. Dẹ̀ẹ̀a boo bọọ loa sọ́l, bĩiná o bá kọọ̀ kọọ̀:

1. ‘Éé ní ea náa vaá à ié bíi ló gè dã́ kà-kà belé?’

2. ‘Mósĩ́ deè ní e gè nó Kpá Káí é náa kọ a dùm á dú lé kátogóí nè dì deèsĩ́ ẽ́?’

5. Ló gbò bel ea é láá nvèè bá nèe. Ó gá pee tṍó ló gè zogèe bé e gè nó Kpá Káí é láá aalá gbò a bíb vaá nvèè bá nèe naa.