Tú Dénè O Tã̀àgã̀ Gbẹẹ́ Bá Jìhóvà

Déviìd beè tení bá gbele gbele agẹbá dò ẹ̀b. Be sĩ́ì à kálá emí Psalm 55, a beè tení bá sìgà gbò tã̀àgã̀ ea dì belí . . .

• 

  Gbẹ́a

• 

  Bíígáló

• 

  Agẹbá Bẽgẽ Bel

• 

  Tã̀àgã̀ Pá Tọ

• 

  Zọ̀ló

• 

  Baẹ̀ Bilá ẹ́ ló

Bã̀àna tṍó ea sẹlẹ ló belí kọọ̀ náa gé láá emà nàẹ̀, Déviìd beè ĩ̀ìmà tõó bá. A dùùlà bá deè tṍ ea ẽ́á mm̀ Kpá Káí nèà gbò e bàé láá kpee sĩ́ íb gbò dìtõ̀ò í kọ́ọ̀: “Tú dénè o tã̀àgã̀ gbẹẹ́ bá Jìhóvà.”

Mósĩ́ deè ní eé láá tú na ketõ̀ò Kpá Káí í siimá tóm deè nieí é?

55:22

1. Kọ́ dénè ò tã̀àgã̀ nè Jìhóvà mm̀ tã̀àgã ló ea kuu kọ̀láá íb tã̀àgã̀, tã̀àgã̀ bùlà, àbèè o bíi

2. Gbĩ́ tùle nè nvèè bá lọl mm̀ Kpá Káí nè a bõ̀ònatõ̀ò

3. Naa nú eo nyímà kọ àé láá nvee nèè bá neè ni kè bá dìtõ̀ò í ea gbáá ló gbò nòò kúù Kpá Káí