Gbò e bà gé kọ́ kpẹ̀a gbẹá kuló Monrovia, ea di Liberia

Gbò Ńkem̀ Nu Dòòmà Bá Ge Dààmà Togó Loa Sọ́l

●○○ TÚÁ DEÈ GE INÁ LÓ NEN

Bíb: É kọọ̀ gbò nú ea di mm̀ Kpá Káí gé si-síá tóm deè nieí?

Dọ̀ Kpá Káí: 2 Tím. 3:16

Bíb Gè Ló Sọ́l Boo Dõona Tṍó: Éé ní ea ẽ́á mm̀ Kpá Káí é?

○●○ TÚÁ DEÈ GE SÌ GÉ KÃA NEN

Bíb: Éé ní ea ẽ́á mm̀ Kpá Káí é?

Dọ̀ Kpá Káí: Máát. 6:10

Bíb Gè Ló Sọ́l Boo Dõona Tṍó: Éé ní e Boǹ Méné Bàrì é náa ẽ́?

○○● NÍ EA ÉGÈ BÀÀ DEÈ GE SÌ GÉ KÃA NEN

Bíb: Éé ní e Boǹ Méné Bàrì é náa ẽ́?

Dọ̀ Kpá Káí: Dán. 2:44

Bíb Gè Ló Sọ́l Boo Dõona Tṍó: Éé ní e níí é náá ló boo kunukẽ̀í ẽ́?

Lọl ẽ́í ààmà, nònù èèlè nyíè zẹ̀ẹ̀ sè náa gé íe na gbò ńkem̀ nu dòòmà bá. Tãa vó, Dùm Nè Kpá Bõ̀ònaló Sìtóm Kọ̀ Kpẹ̀aí é gbóó ié gbò ńkem̀ nu dòòmà bá ge dààmà togó loa sọ́l, ea fáálá bíb eo é zẹ́ẹ́ bĩiná, dọ̀ Kpá Kpá, nè dõona kà bíb ea é náa kọ ó láá kpáá sì gé kãa nen. Áá ene kà vídiò ea zógè ńkem̀ nu dòòmà bá ge dààmà togó loa sọ́l ní e bàé bila buù sè e. Buù neǹ kọ̀ kpẹ̀a é láá beeláfùl boo kpá ea di gbàà gbò Kpá E Ólò Noòmà Gbò Nen e ẹlẹ é síímá tóm nè tṍó ea é tú siimá—àé láá dú túá deè ge iná ló nen àbèè tṍó gè kpáá gé kãa nen. Nagé, kpá sìtómí é fáálá bàà kà lọ̀ọ̀gà bug ea kil ló bíb eo é láá dààmà togó loa sọ́l. Níí é nveè bá nèi kọ é ká nyíe gbẹẹ́ boo gè noòmà nuù “gbò e Bàrì beè sà kọ bà é ié dùm e bè náa tá.”—Tóm 13:48.

Nu Gè Naa Ea Dì Nè Gbò Nvín Tọọ̀ Kpá: Áà bèè kọ bà kọ́ kiẽ́e e bàé tú lọ̀l, be níì vó nì, gbò nvín tọọ̀ kpá á tú ba nu gè naa lọl ló gbò ńkem̀ nu dòòmà bá ge dààmà togó loa sọ́lá.