Éé Ní Eo É Láá Nó Lọl Ló Gbò Ãa Sọ́lẹ́?

Mókà gbò ãa sọ́l ní ea ólò palàge leemá olo é? Vaá ló éé? É kọọ̀ à tõó ní ló kọọ̀ gbò nú e bà zógè dẽe a vídiò ló bel boo gbò nú ea ólò naaáí ló mm̀ dùm buù dee? À íe kele kele togó bel nè sọ́l ea ólò leemá kele kele gbò nen. Sõò níì áá gbò vídiò nè gbò kpéè sọ́l ea di mm̀ gbò ãa sọ́lí ní e ólò dé kpéè lóé nì.

Buù kà ãa sọ́lí ólò noomài gã́bug nú eé láá siimá tóm mm̀ beè dùm dì belí gbò nyòòne nvéè Kráìst nè bẹẹ sìtóm kọ̀ kpẹ̀a. Sìgà gbò sọ́lí ólò noomài bé eé láá kolí kyáà, ié lé gbaa ló, ge láá bã̀àa kóò, ge ié agẹló, ge vùlè dõòna gbò, àbèè bé e láá ié zìgà naa. Gbò ńdõòna kà ló bel boo gè òòà dú ló Jìhóvà, ge ia ló pọ́lọ́, ge kilsĩ́ gè bọ́ló dẹ̀lẹ̀ nyíé boo, nè dõòna gbò sĩ́deè eé láá kpáá siimá tóm nè Jìhóvà. Vaá à íe nagé dõòna kà ãa sọ́l ea ló bel boo ge láá tú fóòn siimá tóm boo bá ea bọ́ló. Mókà dõòna kà gbò bélè ní e olo ni íé lọl ló gbò ãa sọ́lí é?

Ẹ̀B VÍDIÒ ÃA SỌ́L EA KỌLÀ JUST AROUND THE CORNER, VAÁ Ò ÁÁLÁ NAGBÒ BÍBVÍ:

• Mókà gbò tã́áná dee bá ní e dóm nè va e ba ni dú kànen mm̀ deeí gé bugi togó boo gè ié dì deèsĩ́é?—Jén. 12:3

• Mósĩ́ deè ní eé láá siè kpóó ló bẹẹ dẹ̀lẹ̀ nyíé boo kọọ̀ Jìhóvà gé láá m-mè gbò a zìgànù ẽ?

• Gbò nen é beè gbaaá ló mm̀ ẹ́ẹ́-ẹẹ̀ naa vàẹ pọ́ì ńkem̀ tṍó àla ẹ́?

• Mósĩ́ deè ní e ból dẽesĩ́ Boǹ Méné gé láá nvèè bá nèi kọ é ĩ̀ìmà gbò tã̀àgã̀ e gé kpeesĩ́ ló kátogóí é? —Róm̀ 8:25