Gbò Nvín Ãa—É Kọọ̀ Jìhóvà Ní Ea Dú Bọọ Díì-Díílá Kóò E?

Mókà gbò kpãà ní ea ólò leemá ni kọ o kóò á ié é? Àé láá dú kọọ̀ à ólò leemá ni kọ á bọ́ló dẹ̀lẹ̀ nyíé boo, ié sàn nyíe, nè ge láá dõo nu taalẹ bá. Jìhóvà íe dénè gbò kpãaí. (Ẹ́xọ. 34:6; Tóm 14:17) À ólò pãané ni tṍ ló tṍó eo tãagã̀é ló. Àé nvèè bá nè ni kọ̀láá tṍó eo íè bíi ló nvèè bá. (Ps. 18:19, 35) À ólò ia ló gbò o lọ̀. (1 Jọ́ọ̀n 1:9) Ẹ̀b bé e Jìhóvà dú kà lé Kóò naaà!

Mósĩ́ deè ní eo é láá dú kóò Jìhóvà ẹ? Nó nu ea kilíé ló tení dú ló gè bugi Kpá Káí. Kọ́ o bùlà nèe. (Ps. 62:8; 142:2) Zogè kọọ̀ ò nveenìè ka ló gbò nú ea bọọ́ ló Jìhóvà, dì belí a Sã́áná, a Boǹ Ménè, nè gbò a zìgànù kilmà ló dì deè sĩ́. Kọ́ nú ea kilíé ló nè dõòna gbò. (Dìt. 32:3) Be ò tóní kà lé gbaa ló kilmà ló Jìhóvà, àé dú o Kóò dọ̀ dè-dè.—Ps. 73:25, 26, 28.

Ẹ̀B VÍDIÒ EA KỌLÀ GBÒ NVÍN ÃA—“DAALAI DÉM LÓ MÈ ÒÉ MONII KỌỌ̀ JÌHÓVÀ DÚ LÉ,” VAÁ Ò GBÓÓ AALÁ NAGBÒ BÍBVÍ:

• 

  Mósĩ́ deè ní eo é láá kpoogá dee ló nyòòmà ge kìn lóó nè, nè ge dììa múú ẽ́?

• 

  Mósĩ́ deè ní e dõòna gbò e bà di mm̀ bõ̀ònatõ̀ò é láá nvèè bá nè ni kọ ó láá fã̀ Jìhóvà ẹ?

• 

  Mósĩ́ deè ní e gè kọ́ kpẹ̀a é láá naa kọọ̀ o gbaa ló kilma ló Jìhóvà á aga ló é?

• 

  Mókà gbò tóm ea di mm̀ bõ̀ònatõ̀ò ní eo é láá sìe?

• Éé ní ea léémá ni ea kil ló Jìhóvà ẹ?