NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Noòmà Nu Mm̀ Bẹ̀à Sã́ Bùlà
Bẹ̀à sã́ bùlà ólò zilá. Tṍó e túù bẹ̀à sã́ bùlà loomá bel, gbò nen ólò pãanéi tṍ ló. À zógè kọọ̀ è nveè nàgé ka ló bẹẹ tóm. Èé láá ié bẹ̀à sã́ bùlà e náa dẹẹ̀a boo bẹẹ bálá sĩ́ àbèè íb nen e dúù. (Róm̀ 12:11) Éé ní ea é nveè bá nèi ẽ́?
Túá kà, zẹ́ẹ́ bugi togó boo bé e lẹ̀ẹ̀la tóm eo fáàlà dú bíi naa. Ò íè nèà deè ge vee lé “kpẹaí!” (Róm̀ 10:15) Ní ea égè bàà kà, bugi togó boo bé e lé kpẹ̀aí é láá nyaaná dùm gbò e bà pãané ni tṍ ló naa. Bà íe bíí ló gè dã́ bel eo é kọ́. (Róm̀ 10:13, 14) Dee deè nvée, tú bẹ̀à sã́ bùlà loomá bel tení dú ló bé eo túù bá dòòmà bá nu nè bé eo sẹlẹ sĩ́ naa.
Ẹ̀B VÍDIÒ EA KỌLÀ IÉ Ẹ́Ẹ́ NYÍE EA AA LÓ GÈ NAA KỌỌ̀ GBÒ NEN Á NYOONE NVÉÈ KRÁÌST—SÌM KILSĨ́ MM̀ O KALÌ GÈ KỌỌMÁ KPẸ̀A—NOÒMÀ NU MM̀ BẸ̀À SÃ́, VAÁ Ò GBÓÓ BĨ́ÍNÁ NAGBÒ BÍBVÍ:
Éé beè naa kọọ̀ Neeta á gá ié ná bẹ̀à sã́ bùlà nyòòmà ge zọ̀ Jade noá Kpá Káí é?
Éé beè naa kọọ̀ Neeta á kpáá ié bẹ̀à sã́ bùlà ẹ?
Bẹ̀à sã́ bùlà ólò zilá
Éé ní ea náa èé ká bùlà gbẹẹ́ boo gbò lé kpãa ea di mm̀ gbò e bà gé pãanéi tṍ ló é?
Éé ní e bẹẹ bẹ̀à sã́ bùlà é láá naá ló gbò e ólò noòmà Kpá Káí nè dõòna gbò e?