Noo Nu Sẹ̀ẹ̀a Sĩ́ Nyòòmà Tṍó Gè Kẽ̀èa Boo Ú Kráìst

Buù gbááí, gbò Nen Ditõ̀ò Jìhóvà ólò ẹ̀bmà dẽè tṍó e bàé gbá ié Sẹ̀lẹ̀nù Ge Kẽ̀èa Boo Ú Kráìst. Sè ea dì besĩ́ à kálá dọ̀ sèa nè sè ea bẽene sèa, è ólò ié kele íb nèà deè ge lèèlà vaá õá zaà Jìhóvà ló dõ̀ònù ààaá. (Ẹ́fẹ. 1:​3, 7) Dì belí nu dòòmà bá, è ólò tú agẹ bá siimá tóm gè kolmá gbò nen siimá kẽè sẹ̀lẹ̀nùí. Sìgà gbò ólò láá nyaaná bá ló nu naa ní e bàé bã́ boo tóm gyàdeè sĩ́ tóm mm̀ ńkpulu dẽè tṍó, vaá nè 30 àbèè 50 kà ávà mm̀ March àbèè April. É kọ àé léémá ni gè bọ̀ọ̀vẹ̀ gbàà o sìtóm kọ̀ kpẹ̀a mm̀ tṍó gè Kẽ̀èa Boo Ú Kráìstí? Éé ní ea é láá nvèè bá nè ni kọ ó naa níí ẽ́?

Gã́bug tṍó, è ólò láá naa leevè tṍó e túù tṍó gbẹẹ́ sĩ́ noo nu gè naa. (Pró. 21:5) Kátogóí ní ea dú kà lé tṍó ge dààmà togó noo nu nyòòmà Sẹ̀lẹ̀nù Ge Kẽ̀èa Boo Ú Kráìst ea ni dũuà iná kulóí é. Bugi togó boo bé eo é láá bọ̀ọ̀vẹ̀ gbàà o sìtóm kọ̀ kpẹ̀a naa tṍó gè Kẽ̀èa Boo Ú Kráìst, vaà ò ne béèlàfùl boo nú ea dú bíi kọ ó naa kọbé ò láá sìm tùlà gbò o nu sẹ̀ẹ̀a sĩ́. Tṍóá, ò gbóó bàn kọọ̀ Jìhóvà á tãanè dee bá gbò o pììgà.​—1 Jọ́ọ̀n. 5:​14, 15.

É kọ òó láá bugi togó boo sìgà sĩ́deè ge bọ̀ọ̀vẹ̀ gbàà o sìtóm kọ̀ kpẹ̀a tṍó gè Kẽ̀èa Boo Ú Kráìst?