É Kọọ̀ Ò Gé Tú Kpá Káí E Ba Beè Naa Rẹ́kọọ̀d Siimá Gé Tóm Leevè?

Éé ní ea dú Kpá Káí e ba beè naa rẹ́kọọ̀d e? Níí dú New World Translation e ba beè kpáá emí vaá naa rẹ́kọọ̀d nvee mm̀ ọ́diò. Bà gé tẹ́lẹ bàlà kẽ ńkem kem mm̀ gã́bug dém bel. Ene kà nu gè nvèè kpíí ló ea di ló Kpá Káí e ba beè naa rẹ́kọọ̀dí dú bé e bà tú moǹ kele-kele nen naamá rẹ́kọọ̀d buù nen e bà gé ló bel ea kil ló mm̀ Kpá Káí naa. Bà palàge bugi õ̀ònà dẽe náa ní ea é tú kà nè tọa ló ea di mm̀ nú e Kpá Káí gé kọ́ tẹlẹ bàlà kẽ.

Mosĩ́ deè ní e sìgà gbò gé íe bélè lọl ló Kpá Káí e ba beè náa rẹ́kọọ̀d e? Bé e ba beè naa rẹ́kọọ̀dí naa tú kà ea di mm̀ Moǹ Bel Bàrì tẹlẹ bàlà kẽ, vaá à ólò leemá gã́bug gbò e bà ólò pãane tṍ ló. Bà ẹb kọọ̀ tṍó e bà tú kele-kele mon bùgmà nú ea kil ló buù nen e bà gé ló bel ea kil ló mm̀ Kpá Káí, à náa kọọ̀ bàá láá doomàè dẽe ló bé e nú e bà gé kọ́ nú ea kil lóá beè naaá naa, vaá naa kọ bàá palàge dãè ból ló nú ea di mm̀ Kpá Káí. (Pró. 4:5) Gã́bug nen kọ́ nágé kọọ̀ tṍó e bà pãanìè tṍ ló Kpá Káí e ba beè naa rẹ́kọọ̀d, à náa kọọ̀ lóó va á dĩinàè tṍó e bà íèè tã̀àgã̀ bùlà.​—Ps. 94:19.

Ge dã́ Moǹ Bel Bàrì e bà bugi tẹlẹ bàlà kẽ íe kà pọ̀bkà nú ea é láá naá ló bẹẹ dùm. (2 Kró. 34:​19-21) Beè zivè kpo àbèè báàsĩ́ Kpá Káí e ba beè naa rẹ́kọọ̀d di mm̀ dém bel eo ólò dã̀, é kọọ̀ òó láá noo gè olòó pãane tṍ ló lee?

Ẹ̀B VÍDIÒ EA KỌLÀ GE NAA KPÁ KÁÍ E BÀ NÁA RẸ́KỌỌ̀D​—BÁÀSĩ́ EA DṸÙNÀ, VAÁ Ò GBÓÓ AALÁ NAKÀ BÍBVÍ:

Éé ní ea léémá ni ea di ló bá e bà náámá Kpá Káí e bà náa rẹ́kọọ̀d e?