GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Nó Vulè Jìhóvà Ea Kyãa Mm̀ Bọ́ọ̀ló Dẹ̀lẹ̀ Nyíé Boo
Jìhóvà zógè lé nu dòòmà bá ea kil ló vulè ea kyãa mm̀ bọ́ọ̀ló dẹ̀lẹ̀ nyíé boo ea bọọ lọ̀l vaá à lee. (Ps. 103:11) Nakà vulèí náa dú pọ́ì tọa ló e nen íe kà lèlà tṍóá. Vulè ea kyãa mm̀ bọ́ọ̀ló dẹ̀lẹ̀ nyíé boo bãàa mm̀ vulè ea bọọ́ kẽ́é, vaá à dì lee. Jìhóvà beè zogè pá Ízràẹ̀l kọ à íèè nakà kpãaí mm̀ gã́bug sĩ́deè. A beè dùùlà va lọl mm̀ dii bọ́b e bà beè di bá gbẹá Íjèpt vaá tú va nvee boo Kunukẽ̀ Zìgànùa. (Ps. 105:42-44) A beè bé-bé tenmá boo pá a gbò vaá ia ló nè va gã́bug tṍó e bà síe pọ́lọ́. (Ps. 107:19, 20) Bé e “túù ọ̀ẹ̀ dẽe bùgmà togó boo bé e Jìhóvà zógè kọ à íèè vulè ea kyãa mm̀ bọ́ọ̀ló dẹ̀lè nyíé boo” naa, níà bé eé íe tàn ge nóe naa ẽ́.—Ps. 107:43.
Ẹ̀B VÍDIÒ EA KỌLÀ “TÚ Ọ̀Ẹ̀ DẼE BÙGMÀ TOGÓ BOO BÉ E JÌHÓVÀ ÓLÒ LABVÍ LÁB MM̀ VULÈ EA KYÃA MM̀ BỌ́Ọ̀LÓ DẸ̀LẸ̀ NYÍÉ BOO NAA,” VAÁ Ò GBÓÓ AALÁ NAGBÒ BÍBVÍ:
Mm̀ mókà gbò sĩ́deè ní eé láá zogè vulè ea kyãa mm̀ bọ́ọ̀ló dẹ̀lẹ̀ nyíé boo é?
Éé ní ea náa vaá gè zogè vulè ea kyãa mm̀ bọ́ọ̀ló dẹ̀lẹ̀ nyíé boo à bĩiná kọ é tú lóó vaamá gyọ́ọ ẹ́?