Nú Ea É Nveè Bá Nè Ni Tṍó Eo Gé Nó nu
É kọ ò ólò ié bélè lọl ló bé e bà baatẽ́ gbò dọ̀ Kpá Káí ea di mm̀ Research Guide for Jehovah’s Witnesses naa?
Gbò bààtẽ́í é láá nvèè bá nè ni kọ ó kpáá palàge dã́tẽ́ ló Kpá Káí. Àé láá kọ́ nòòtẽ́ ea kil ló gbò nú ea géè naaá tṍó e ba beè emí dọ̀ Kpá Káíá, nú ea náa vaá ba beè emí, gbò e ba beè emí kilma ló, àbèè nú e belá tõó dọ̀.
Watchtower ONLINE LIBRARY™ nè JW Library® ólò naa kọ á valíí ló gè mòn bé e Research Guide baatẽ́ dọ̀ Kpá Káí e gé bugi naa. Òé láá mòn gbò kpá gè noomá Kpá Káíí mm̀ kọ̀láá kà Kpá Káí eo gé bugi.
Tṍó eo gé bugi gbò kpáí, à dú bíi kọ ó ẹ̀b be níà ń-ãa. Gbò ń-ãa ólò di gbàn deè. Gbò ńnómá ólò di kè kẽ, vaá gbò bààtẽ́ ea di m ólò faalá nómá dã̀ból ló nu e ba beè kpáá baatẽ́ tṍó e tṍó téní.
Tṍó e bà baatẽ́ buù kà dọ̀ Kpá Káí mm̀ Research Guide à ólò gbẹá boo bã mm̀ Watchtower ONLINE LIBRARY.
Kọbé ò láá ié gbò dọ̀ Kpá Káí e bà baatẽ́ mm̀ JW Library, naa dã̀ànlóòd Research Guide vaá tṍó ea íe ãa nu e bà tẹ́lẹ bàlà kẽ, ò náa dã̀ànlóòd. Òé láá naa vó tení dú ló gè naa klíìk bọ́tìn ea di ló kọ̀láá kà dọ̀ Kpà Káí eo gé bugi.