“Kuai Dẽe Ló”

25:1-12

Náa kal ló béè kọọ̀ Jíízọ̀s géè ló belí nyòòmà gbò e Bàrì beè tṍ va nóo ból, sõò bug ea di nvée tọ́á ló kọ̀láá kà gbò nyòòne nvéè Kráìst. (w15 3/15 12-16) “kuai dẽe ló, mè nóo nyímàì dee à bè tṍó.” (Máát. 25:13) É kọ òó láá baatẽ́ lóg Jíízọ̀sí?

• Nen ea é ílí vaá (1 gã́bel)—Dú Jíízọ̀s

• Gbò nvín pá nyáá e bà nyímá nu e ba beè kpoogá dee lóá (2 gã́bel)—Dú gbò nyòòne nvéè Kráìst e Bàrì beè tṍ va nóo ból e bà gé kpóógá dee ló nyòòmà ge sí ba tóm mm̀ bọ́ọ̀ló dẹ̀lẹ̀ nyíé boo vaá mò belí gyã́à káála inmá kùbmà (Fíl. 2:15)

• Kpã́ ea kọ́ọ̀: “Dọí ke dẹi gé zọí nen e a é ílí vaá nyoonai, mè à gé dú!” (6 gã́bel)—Níí zógè tṍó e Jíízọ̀s é dú

• Gbò nvín pá nyáá e bà dú bólá (8 gã́bel)—Dú gbò nyòòne nvéè Kráìst e Bàrì beè tṍ va nóo ból e bà aà ge sí ló nen ea é ílí vaá sõò bà náa beè kùà dẽe ló nè ge bọ́ló dẹ̀lẹ̀ nyíé boo

• Gbò nvín pá nyáá e bà nyímá nuá náa beè zìgà ge dõo baláà múú sã́ (9 gã́bel)—Tṍó e dee deè nvéè ge nvèè kpíi ló gbò nen ni íná kùbmà, àé palàge dú kà kpẹ̀ nvée kọọ̀ gbò e bà bọ́ló dẹ̀lẹ̀ nyíé boo e Bàrì beè tṍ va nóo bólá á nvèè bá nè gbò e bà náa beè bọ ná ló dẹ̀lẹ̀ nyíé booá

• “Nen e a é ílí vaá beè gboó dù” (10 gã́bel)—Níí dú tṍó e Jíízọ̀s é dú gé beelá bel, tṍó e pọ̀b kpo tã̀àgã̀ é gé iná kùbmà

• Gbò e ba è kpènà ló vaá elá bànàeá beè gboó zọ̀e má sĩ́ tọ e bà é tõo ílá dóm nè vaá. Ba beè gboó kùb nù tọá (10 gã́bel)—Jíízọ̀s bṍònè ló pá a gbò e Bàrì beè tṍ va nóo ból e bà bọ́ló dẹ̀lẹ̀ nyíé booá kilma káála, sõò gbò e bà náa bọ́ló dẹ̀lẹ̀ nyíé booá é pee ba kpẽ́ gè kil káála