1. Mée ní ea dú Jíízọ̀s e?

Jíízọ̀s dú nyómá tóm ea palàge íe kpóó ea di káála. Jìhóvà beè dèmie besĩ́ à kálá dèm dõòna kà gbò nu. Vó ní ea náa vaá bà kolíe “túá nen e Bàrì beè dèm” ẽ. (Kọ́lọsì 1:15, NW ) Kpá Káí kólí Jíízọ̀s “áá kà . . . Sã́áná” Bàrì, boo béè kọọ̀ áá ẹlẹ ní e Jìhóvà beè tú a bá dèmàe. (Jọ́ọ̀n 3:16) Jíízọ̀s beè zọ̀ a Tẹ̀ Jìhóvà siá tóm leevè vaá nvèè bá nèe mm̀ ge dèm dõòna kà gbò nu. (Bugi Próvẹẹ̀b 8:30.) Jíízọ̀s íe kà lé gbaa ló kilma ló Jìhóvà. Jíízọ̀s ní ea dú “Mon Belá” ẹ́, níà gè kọọ̀ Bàrì géè ló bel tenmáé gã́ nè dõòna gbò.—Jọ́ọ̀n 1:14.

È ólò sí pọ́lọ́, mòn tã̀àgã̀, vaá ù boo béè kọọ̀ bẹẹ túá kà tẹ̀ nè kà, e bà dú Ádàm nè Íìv beè lọ̀l togó kèbá Bàrì.a Sõò è íè ból dẽesĩ́. Jìhóvà a noo sĩ́deè ge dùùmài lọl bá náàkyọ̀ nè ú, tení dú ló a Sã́áná Jíízọ̀s Kráìst. Kpá Káí kọ́ọ̀ Jíízọ̀s dú nu ààa tení dú ló a ú. Nu ààa dú nu e nen kpẽ́ gè aamá nen. Jíízọ̀s beè tú a dùm ea gbõoma kpẽemá. (Bugi Máátìù 20:28.) Tṍó e Jíízọ̀s tú a nèà deè ge tõó dùm dọ̀ dè-dè boo kunukẽ̀í vaamái gyọ́ọ boo, à kuulà deè nèi kọ é láá kpáá ié dénè nú e Ádàm nè Íìv beè peeá. Jíízọ̀s tẹ́lẹ nàgé bàlà kẽ bé e ẹlẹ nè Jìhóvà vulèi naa. Nakà togó belí é nveè bá nè ni kọ ó kpáá palàge zaava ló ú Jíízọ̀s.

1. Mósĩ́ deè ní eé láá ié bélè lọl ló ú Jíízọ̀s deè nieí é?

Boo béè kọọ̀ è dúù gbò náàkyọ̀, è ólò naa gã́bug nú ea bẽ́émá Jìhóvà. Sõò, be è palàge ọgá ló bẹẹ pọ́lọ́ vaá bàn ia ló lọl bá Jìhóvà tení dú ló Jíízọ̀s Kráìst vaá née sínà pọ́lọ́á, èé láá dú díì díílá kóò Bàrì. (1 Jọ́ọ̀n 2:1) Kpá Káí kọ́ọ̀: “Boo béè kọọ̀ tẽ̀ènè tóm ú e Kráìst beè ú boo pọ́lọ́ e gbò nen síá a gbõoma. Ẹlẹ, neǹ lé lab dògò, beè ú boo beele gbò pọ́lọ́ lab dògò, kọbé à láá faalái má Bàrì.”—1 Pítà 3:18.

2. Mósĩ́ deè ní eé láá ié bélè lọl ló ú Jíízọ̀s dì deèsĩ́ ẽ́?

Jìhóvà beè lẹ̀ẹ̀là Jíízọ̀s kọ á tú a dùm ea gbõomaá nè “kọbé kọ̀láá nen ea dẹlẹ́ẹ nyíé boo náa é pè; tãa vó, àé íe dùm e bè náa tá.” (Jọ́ọ̀n 3:16) È ṍà Jíízọ̀s zaa kọ à úí boo, pọ́ì ńkem̀ tṍó àla, Jìhóvà é lọl dénè pọ́lọ́ e lọ̀l togó kèbá Ádàm ni tẹ́lẹ̀í boo. Níí tõó dọ̀ kọọ̀ be è íe zìgà mm̀ ú vààa gyọ́ọ̀ Jíízọ̀s, èé íe nèà deè ge dé kpéè ló dùm mm̀ páladaìs boo kunukẽ̀í dọ̀ọ̀mà dè-dè!—Àìzáíà 65:21-23.

KPÁÁ NÓ BỌ̀Ọ̀VẸ̀

3. Ú Jíízọ̀s náa kọ é di pọ́ì aa bá náàkyọ̀ nè ú

VÍDIÒ: Éé Ní Ea Beè Naa Vaá Jíízọ̀s À Ù E?—1 Kpò (2:01)

• Mókà nèà deè ní e Ádàm beè pee tṍó ea lọl togó kèbá Bàrì e?

Bugi Róm̀ 5:12, vaá ò gbóó aalai nakà bíbví:

• Éé ní ea ni nááa ní ló boo béè kọọ̀ Ádàm beè sí pọ́lọ́ ẹ́?

Bugi Jọ́ọ̀n 3:16, vaá ò gbóó aalai nakà bíbví:

• Éé ní ea beè naa kọọ̀ Jìhóvà á lẹ̀ẹ̀là a Sã́áná domá boo kunukẽ̀í ẽ́?

1. Ádàm beè gbõoma, sõò pọ́lọ́ ea beè sì náa kọọ̀ dénè nen á sí pọ́lọ́ vaá ù

2. Jíízọ̀s beè gbõoma vaá a beè gbàntṍ ló Bàrì, vó à gbóó naa kọọ̀ gbò nen á ié nèà deè ge gbõoma vaá tõó dùm dọ̀ dè-dè

4. Ú Jíízọ̀s é láá dọ̀ bélè nè kọ̀láá nen

VÍDIÒ: Éé Ní Ea Beè Naa Vaá Jíízọ̀s À Ù E?—2 Kpò (2:00)

• Mósĩ́ deè ní e ú enè nen é láá dọ̀ bélè nè dénè nen ẽ́?

Bugi 1 Tímotì 2:5, 6, vaá ò gbóó aalai nakà bíbví:

• Ádàm beè gbõoma, sõò pọ́lọ́ ea beè sì beè naa kọọ̀ dénè nen á sí pọ́lọ́ vaá u. Jíízọ̀s beè gbõoma nagé. Vóà naa, éé ní e Jíízọ̀s beè láá naa ẽ́?

5. Nu ààaá dú dõ̀ònù e Jìhóvà né ni

Gbò kóò Jìhóvà ólò ẹ̀b nu ààaá naamá dõ̀ònù e Jìhóvà ne buù ọ̀và. Dì belí nu dòòmà bá, bugi Gàlésìà 2:20, vaá ò gbóó aalai nakà bíbví:

• Mósĩ́ deè ní e neǹ tóm Pọ́ọ̀l beè zogè kọọ̀ à ẹbvìè nu ààaá naamá dõ̀ònù e Bàrì neè ẹlẹ ẹ́?

Tṍó e Ádàm sí pọ́lọ́, ú beè gbóó tùlà dénè pá a nvín nè ẹ̀ẹ̀. Sõò Jìhóvà beè lẹ̀ẹ̀là a Sã́áná kọ á ú ní boo kọbé ò íe nèà deè ge tõó dùm dọ̀ dè-dè.

Boo tṍó eo gé bugi dọ̀ Kpá Káíí, dòòmà dẽe ló bé e nu beè tọá ló Jìhóvà naa tṍó ea Sã́áná géè mòn tã̀àgã̀. Bugi Jọ́ọ̀n 19:1-7, 16-18, vaá ò gbóó aalai nakà bíbví:

• Nú e Jìhóvà nè Jíízọ̀s náa nè ni tọ́a ní ló naa vàẹ?

NÚ E NI NÓ

Ú Jíízọ̀s náa kọọ̀ Jìhóvà á ia ló bẹẹ náàkyọ̀ vaá naa kọ é ié nèà deè ge tõó dùm dọ̀ọ̀mà dè-dè.

Ge Òòa Boo

• Éé ní ea náa vaá Jíízọ̀s à ù e?

• Mósĩ́ deè ní e Jíízọ̀s tú a dùm ea gbõomaá zalmá dénè nen ẽ́?

• Mósĩ́ deè ní e ú Jíízọ̀s é láá dọ̀ bélè nè ni ẽ́?

KPÁÁ GBĨ́ TẼ́ LÓ

Nyimá nú ea náa vaá bà kolí dùm Jíízọ̀s ea gbõoma nu ààa.

“How Is Jesus’ Sacrifice ‘a Ransom for Many’?” (Web article)

Nyimá nú ea bọ́ló kọ é naa kọbé è duuà aa bá náàkyọ̀ nè ú.

“Jesus Saves—How?” (Web article)

É kọọ̀ Jìhóvà é láá ia ló agẹbá pọ́lọ́ e nen sí?

“Bible Questions Answered” (Kpá Tọ Kùdẽe Ló, May 1, 2013)

Ẹ̀b bé e gè nó nú ea kil ló ú vààa gyọ́ọ̀ Jíízọ̀s beè nvèè bá nè ene kà gbálà kọ á nyaaná a dùm naa.

“I Am No Longer a Slave of Violence” (Web article)

1. Éé ní ea dú enè sĩ́deè eé láá zogè kọ è zaàvàẹ̀ ló nú e Bàrì nè Kráìst náa nèi ẽ́?

Kpá Káí zigà nèi kọọ̀, ‘kọ̀láá nen ea íe zìgà mm̀ Jíízọ̀s’ é láá tõó dùm dọ̀ dè-dè. (Jọ́ọ̀n 3:16) Éé ní e gè ié zìgà kọlà ẹ? À bọọ ẹ̀lmà áá gè ziga ló Jíízọ̀s. À bọ́ló kọ é zogè kọ è íèè zìgà tení dú ló gbò béèlàfùl e neè nè gbò nú e náà. (Jém̀z 2:17) Tṍó e zógè kọ è íèè zìgà tení dú ló nú e náà nè nú e kọ́ọ̀, è náà kọọ̀ bẹẹ gbaa ló kilma ló Jíízọ̀s nè a Tẹ̀ Jìhóvà, á aga ló.—Bugi Jọ́ọ̀n 14:21.