Gbò Pá Nvín Dú Gyọ́ Ea Bá Bàrì

1. Nvín e Bàrì ne dóm nè va

Dú pọ̀b kà gyọ́ e Bàrì nveè vá bá.

À gé dú lé be bà kẽè-a boo

Kọọ̀ gbò pá nvín aa bá Bàrì.

Moǹ Bel Bàrì fáálá gbò tùle

E a búmá bẹẹ gbò nvín dénè dee.

Gbanii tṍ ló gbò lẹ̀ẹ̀là Bàrì

Béè súú dẽè Bàrì dí boo bọọ tọ.

2. Ó gá aa ló gè bií va ló—

Nú e Moǹ Bel Bàrì kọ́ dénè tṍó.

Dẹlẹ nyíé boo kọọ̀ tã́áná dee bá

É tulà olo nè o tọ.

Dã́ ba bùlà lọl mm̀ lo-a sọ́l;

Nyimá ba tã̀àgã̀ mm̀ tṍó bìlà bil.

Tã̀àgã ló Bàrì kọ Á nvèè bá,

Kọ pá o nvín á gbàn ni tṍ ló.