Jìhóvà Dú Bẹẹ Ketõ̀ò Kpènà

1. Jìhóvà di ló beele,

Tṍó e kyãa boo èèlè.

Bẹẹ Bàrì kpenà beele;

Tọ́ọ̀ tṍó náa ólò daa.

Faalá dénè o tò tã̀àgã̀,

Domá ló Bàrì tṍó bã̀àgã̀.

Ká nyíe gbẹẹ́ boo Jìhóvà;

Teelá bã kèbá A kpènà.

2. Gbò gyóòlo kà kà Bàrì

Naá gé tá nyíè Bàrì.

À kpenà vá kọ̀láá tṍó

Lọl bá pá ba gbò ọ́b.

Gbò pọ́lọ́ é ú teń vá boo;

Kpènà Bàrì é kọl va boo.

Dẹlẹ nyíé boo Jìhóvà,

Kọ À dú bẹẹ ketõ̀ò kpènà.

3. Aa ẹ́ẹ́ dee dọ bílá dee,

Gbò ọ́b gbĩ́i dénè tṍó.

Jìhóvà kumà beele;

Gbò ọ́b gé pee ba tṍó.

Pọ̀ náa síi beele mm̀ bẹẹ tóm,

Jìhóvà dìí ló dénè tṍó.

Gbò díìla Pọ́lọ́ Nyómà;

Bàrì kpenà beele lọl báy.