Jeremias

45 Josiacho put, Judacho raza Jehoiakimachea razvottkechea chovthea vorsa, Neriacho put Barukak Jeremias provadean ho sondex sanglo, ani Barukan tea sondexachem dor ek utor boroun kaddlem:

2 “Baruk, tujea vixim Izraelacho Dev Jehova oxem sangta, 3 ‘Tunvem mhunnttlem: “Mhojer hai, karonn Jehovan mhojem dukh anikui vaddoilam! Pirgon-pirgon mhaka puro zalam, ani visov gheunk mhaka khoinch zago mellonk na.”’

4 “Tum taka sang, ‘Jehova oxem mhunntta: “Polloi! Ho akʼkho des, zo des hanvem bandun kaddla, to hanv moddun uddoitam, zo hanvem roila, to hanv mulla thaun umttun kaddttam. 5 Punn tum tujea pasot vorteo vostu sodhta. Osleo vostu sodhop bond kor.”’

“‘Karonn hanv soglea munxancher ek odruxtt haddchom asam. Ani tum khoinsorui vochom, hanv tuzo jiv vanchoitolom,’ oxem Jehova mhunntta.”