Porgottnnechea Kamant Amchi Kola Vaddoum-ia—Porot Bhett Korunk Toiari

KITEAK GORJECHEM:

Ami roitat tea sotachea bim-ank udok ghalop gorjechem. (1Kor. 3:6) Taka lagon, konnem-i sot xikonk khuxi dakhoili zalear, tachea lagim uloilea uprant, amchean taka ek prosn vicharunk zata. Taka porot bhett korun ami tachea lagim tea prosna vixim ulounk zata. Oxem kelʼlean, ami porot bhett kortana, tachea lagim ulounk amkam sompem zatolem ani to zobab zannam zaunk axen ravtolo. Porot bhett korta tednam ami taka ghelʼle pavtti vicharlolea prosnacho zobab diunk aileant mhunn sangonk zata.

KOXEM KORCHEM:

• Ghoran-ghor porgottunk, koxem ulounchem tachi toiari kortana, tumchean ek prosn toiar korunk zata. Hacho zobab tumi aikotoleak, porot bhett korun diunk zata. Ho prosn, tumi ditat tea prokaxonacher adarit asonk xokta. Vo ghoddie ho prosn Bible obheas korunk lagon toiar kelʼlea prokaxonacher asonk xokta, jem tumi taka porot bhett kortana diunk chintlam.

• Sevent, aikotolea munxa lagim tumchem ulovop sompoitana tumi taka porot mellonk axetat mhunn kollounk zata. Tumchem ulovop sompounchea adim, tumi toiar kelʼlo prosn taka vicharat. Tumi taka hea prosnacho zobab fuddlea pavtt ditolim mhunn tumchean taka sangonk zata. Ghoddtta zalear, aikotoleacho fon nombor ani potʼtho gheiat.

• Tumi taka omkeach vellar porot bhett kortolim mhunn sanglam zalear, teach vellar thoim pavat.—Mt. 5:37.