Porgottnnechea Kamant Amchi Kola Vaddoum-ia​—Camera vo Intercom-a Udexim Porgottnni Korop

KITEAK GORJECHEM: Technology-nt nove bodol zait asat ani toxench kirmeo vaddttat dekhun lok aplea ghora bhailean camera ani intercom laitat. Je lok amkam bhitor thaun polloitat punn zankam ami pollounk xokonant, toslea lokank porgott kortana amkam loz disonk xokta. Sokol diloleo suchounneo ugddas dovorlolean camera vo intercom-a udexim dhiran porgott korunk amkam modot zatoli.

HEM KOXEM KORCHEM:

• Borem chintop dovrat. Camera vo intercom aslolim zaitim zannam amchea lagim ulounk toiar astat

• Thodde pavtt tumi bell vazoilea uprant camera vorvim rekordding suru zata. Ani tumi dara lagim astat tednam, tea ghorantlo munis tumkam pollounk xokta ani tumi uloitat tem aikonk xokta

• Aiknnaro tumkam zap dita tednam, to tumchea mukhar aslolea porim tumi intercom vo camera mukhar uloiat. Mukhamoll hanstem dovrat ani sobhavik ritin khunna korat. Tumi jem ulounk toiari kelʼli tench uloiat. Camera asa zalear choddui lagim ravon uloinakat. Aiknnaro zap dina zalear, tumcho sondex taka sangonakat

• Tumchem ulovop somplea uprant pasun, aiknnaro tumkam pollounk xokta ani tumi uloitat tem aikonk xokta mhunn ugddas dovrat