Jehova Sangata Tumchi Ixttagot Moladik Mhunn Lekhat

Jehovachea Sakxeank ek khas sueog asa. Ami amchem jivit somorponn korun bautizm ghetla dekhun, amkam Jehova sangata ixttagot zoddunk mellʼllea. Tannem aplea Puta udexim amkam aplea lagim oddun haddleant. (Ju. 6:44) To amchi magnnim aikota.—St. 34:15.

Ami Jehova sangata amchi ixttagot koxi rakhonk xoktat? Israelitkaramnim kelʼli chuk ami korchi nhoi. Jehova sangata korar korun thoddeach disamnim tannim bhangaracho paddkulo kelo ani tachi bhokti korunk lagle. (Sutt. 32:7, 8; 1Kor. 10:7, 11, 14) Ami amkanch vicharunk zata: ‘Mhojea monant chukichem kam korunk tallnni ieta tednam hanv kitem korta? Jehova sangata mhoji ixttagot moladik asa mhunn mhojeo korneo dakhoun ditat kai?’ Ami kallzant thaun Jehovacho mog kortat zalear, taka manvona toslem khoinchench kam ami korchinant.— St. 97:10.

JEHOVA SANGATA TUMCHI IXTTAGOT RAKHAT HO VIDDEO POLLOIAT (KOL. 3:5), ANI SOKOL DILOLEA PROSNANCHE ZOBAB DIAT:

• As korop mhunnttlear kitem?

• Ami as ani murti puza kiteak korchi nhoi?

• Pozoddponn ani murti pujent kitem ek-sarkem asa?

• Jehovachea songottnnent zobabdari asloleamnim khas korun aplea sangateachea gorzancher kiteak dhean diunk zai?