2024 Voros Kitem Tori Boreponn Haddttolem Kai—Bible Kitem Sangta?

Aiz zaitea lokank oxem dista ki sonvsarant asat te dukh-tras 2024-ant pasun suttave zaunchem nant. Tori astana, fuddara pasot amkam ek boro borvonso asa. To amkam khoim melltta?

Bible amkam bhorvonso vo axa dita

Aiz amkam niraxi kortat te dukh-tras beginuch Dev kaddun uddoitolo mhunn Bible amkam bhas dita. Dev amchea “dolleantlim soglim dukam pusun kaddttolo, hea fuddem moronn anik aschem na, dukh anik korchimnant vo roddnnem anik aschem na, ani koslech tras aschenant.”—Prokasovnni 21:4.

• Fuddara vixim Bible amkam kitem bhasaita tea vixim anik zannam zaunk “A Real Hope for a Better Tomorrow” ho lekh vachat.

Bible tumkam aiz koso modot korunk xokta?

Bible amkam fuddara vixim ji axa dita ti amkam niraxiponnacho fuddo korunk ani amchem chintop sarkem dovrunk modot korta. (Romkarank 15:13) Toxench, goribi, onʼneai ani duensancho fuddo korunk Bible amkam bore solʼle dita.

• Bible-ant dilʼlea bhorvonxeak lagon eka gorib munxak xanti ani khori khuxalkai koxi mellʼlli tem zannam zaunk Juan Pablo Zermeño: Jehovak Lagon Mhojea Jivitak Ek Orth Mellʼllo ho video polloiat.

• Thodde pavtti ami dukhi astat, guneanvkari bhavna amchea monant ietat, amkam husko zata vo amcho konnui morta. Oslea poristhitint Bible amkam koso modot korunk xokta tea vixim zannam zaunk “Can I Find Words of Comfort in the Bible?” ho lekh vachat.

• Zaitea vorsam thaun military-nt seva korpi ek bail “apunn khub ragixtt ani dusreanchi porva korina tosli asli” oxem mhunntta. Punn Bible xiklolean tika koso bhorvonso mellʼllo tem zannam zaunk I Put Down My Rifle ho video polloiat.

2024 voros tumkam ani tumchea familik khuxalkaichem zaum. Tea pasot, Bible tumkam koxi modot korunk xokta tea vixim anik zannam zaiat. Tumkam zai zalear, khoinchea-i eka Jehovachea Sakxea sangata tumi kainch farik korinasta Bible xikonk zata. Dev tumkam aiz “xanti” koso diunk xokta ani toxench “bhorvonxean bhorlolo boro fuddar” koso diunk xokta tem zannam zaiat.—Jeremias 29:11.