Roma

Lotüsü nukuaippa Maleiwa sünain süsaleerüin wayuu saainjala nütüma

3 Tasakirüin paala jia: ¿Kasa anaka aluʼu na wayuu judíokana noulia na gentilekana? ¿Kasa saamaka namüin tü oʼyotoonookat ata? 2 Eesüjaʼaya anaka aluʼu naya noulia na gentilekana, saaʼu nayain aapünüin amüin palajana tü pütchi nünüikikat Maleiwa paala sümaiwa, je eʼitaanüshii naya nütüma süpüla nekirajüinjatüin wayuu sünain tü pütchikat sainküin mmakat süpüshua.

3 Je müleka eere napüshi na judíokana eekai manoulain, ¿amalajaweerü saaʼin jümüin tü naaʼinrüinjatkat chi Maleiwakai sütüma? 4 Nnojo. Nnojoleerü amalajaain. Ayateeria naaʼinrüin chi Maleiwakai tü nümakat. Jaʼitairü aküjain alawaa wayuu süpüshua, pansaasü nünüiki chi Maleiwakai waneepia. Shia tü ashajünakat achiki paala sümaiwa. Müsü mayaa:

“Lotüsü nukuaippa chi Maleiwakai wanaa sümaa kasalajanain saainjala wayuu nütüma,

süka pansaain waneepia nünüiki”.

5 Eesü süpüla süsouktüin wane wayuu shiʼipajee tü tamakat, sünain maa tamüin: “Jaʼitaina kaainjalain waya judíokana, nülatirüinya neʼe chi Maleiwakai tü waainjalakat woulia. Müleka nnojoruleje waaʼinrüin tü kasa mojusükat, nnojoishije atüjaanüin aaʼu chi Maleiwakai sünain alanaʼaleein lotüin maʼi tü nukuaippakat. Sükajee tia, nnojotsü anain süpüla süsaleenain waya waainjala nütüma, saaʼin wamüin”. 6 Tamüshii paala jia: Lotüshaatasü maʼi nukuaippa chi Maleiwakai sünain süsaleenain jia jaainjala nütüma. Müleka nnojorüleje lotüin nukuaippa sünain tüü, nnojotsüje nuuntüin süsalain saainjala wayuu süpüshua nütüma. 7 Mataalasü waneʼeya: “Sütümajee waküjain alawaa, shiyaawatüin wayuu naaʼu chi Maleiwakai sünain nnojolin müin aka waya, süka pansaain waneepia nünüiki. Je saaʼu kojutüin nia sütümajee tü mojusü waaʼinrakat, ¿jamakuaippat süsalainjanain waya nütüma?”. 8 Otta sünüiki waneʼeya tamüin: “Pikirajüin waya sünain ayatüin sünain waaʼinrüin tü mojusükat shiiʼiree kojuteein chi Maleiwakai sütüma wayuu sünainjee tü waainjalakat”. Tamüshii paala jia: Nnojotsü shiain tekiraja anain tia. ¿Jamüshii jiʼrüliikaʼa wayumüin sümüin tü tamakat jümüin? Shiimüin sünain lotüin maʼi nukuaippa chi Maleiwakai sünain kasalajanainjatüin jaainjala nütüma.

Nnojotsü jaralüin anajiraain nümaa Maleiwa sükajee tü nümakat Moisés

9 Sünainjee süpüshua tü tamüitpakat jümüin, müinjachi taya jooluʼu jümüin: Waya judíokana, nnojoliishii waya alanaain noulia na gentilekana nuʼupala chi Maleiwakai, süka süchepchiain kaainjalaa wayuu süpüshua, wayuu judío ooʼulaka wayuu gentile. 10 Shia tü ashajünakat achiki paala sümaiwa suluʼu tü karaloukta nüchikimaajatkat Maleiwa, müsü mayaa:

19 3:19-20 Waya judíokana, saaʼu saapünüin wamüin tü nuluwataakat anain Maleiwa ashajünakat nütüma Moisés, antinneena waya nümülatuʼumüin Maleiwa soʼuweena wane kaʼi süpüla wasouktüinjanain nümüin saaliijee nnojolüin waaʼinrüin tü nümakat. Je iseerü wachiki asouktaa niʼipajee Maleiwa saaʼu waainjala. Soto jaaʼin tü anajirawaakat nümaa Maleiwa, sünain nnojolüin sünainjeejatüin aaʼinraa tü nuluwataakat anain Moisés, süka nnojolüin shiain süpülajatüin. Aapuushi wamüin nütüma Maleiwa süpüla wayaawatüinjatüin saaʼu kaainjalain waya. 20 —

Anajiraashii waya nümaa Maleiwa sünainjee neʼe anoujaa nünain Jesucristo

21 3:21-22 Saaʼu nnojolüin anajiraain wayuu nümaa Maleiwa sünainjee aaʼinraa tü nuluwataakat anain Moisés, ¿kasataalakalaka anajiraainjatüin aka wane wayuu nümaa? Anajiraashii waya nümaa Maleiwa sünainjee wanoujain nünain Jesucristo. Shia tü aküjünakat achiki paala sümaiwa natüma na nünüikimaajanakana Maleiwa ooʼulaka Moisés. Je niiʼiyatüin shia chi Maleiwakai wamüin wapüshua maaʼulu yaa suluʼu tü nüchikikat chi Oʼtteʼerüikai. Wayuu süpüshua, na judíokana ooʼulaka na gentilekana, cheʼojaasü anajiraainjanain naya nümaa Maleiwa. 22 — 23 Cheʼojaasü anajirawaa wamüin süka kaainjalain wayuu ütamüinreʼeya nuulia Maleiwa je sükatalaain suulia tü kasa anasü nüchekakat süpüleerua. Je nnojotsü nücheküin chi Maleiwakai ayatüin wayuu katatüin nuulia. 24 Anamia maʼi chi Maleiwakai sümüin wayuu süpüshua waneepia. Je saaʼujee anamiain maʼi nia, chi eekai nünoujain nünain Cristo Jesús, taashishi nia suulia naainjala sümaa anajiraain nia nümaa Maleiwa. 25 3:25-26 Je paalainka, naawalüin chi Maleiwakai wayuu suulia süsalaa saainjala. Otta watüjaa aaʼuchi nia sünain lotüin maʼi nukuaippa. Je süka lotüin nukuaippa, niʼrüin sünain cheʼojaain nüjütüin chi Nüchonkai süpüla ouktajachin saaʼu saainjala wayuu süpüla anajiraainjatüin wayuu nümaa. Shiasa maaʼulu yaa, saaʼu ouktüichipain Cristo, nuuntüin chi Maleiwakai nülatirüin saainjala wayuu eekai sünoujain nünain Cristo sünain ouktüin nia saaʼu saainjala. Sünain nüjütüin Cristo saʼakamüin wayuu, niiʼiyatüin chi Maleiwakai wamüin sünain shiimüin lotüin maʼi nukuaippa je shiimüin nuuntüin anajiraainjatüin nümaa wayuu süpüshua eekai sünoujain nünain Jesús. 26 —

27 Nnojo juʼwaataain suluʼu joonooin sümaa tü nuluwataakat anain Maleiwa, maa aka taküjaitpain jümüin sünain nnojoliin anajiraain wayuu nümaa Maleiwa sünainjee naaʼinrüin tü nüshajakat Moisés. Watüjaa aaʼulu sünain shiain sümüiwa anajiraain anainjee waya tü wanoulakat nünain Jesús. 28 Teeʼiyatüitpa jümüin sünain anajiraain wayuu nümaa Maleiwa, nnojotsü sükajeejatüin naaʼinrüin tü nümakat Moisés namüin, sükajeejatü nanoujain nünain Jesús sünain ouktüin saaʼu naainjala. 29 Chi Maleiwakai, nnojoishi Wamaleiwasein neʼe wayakana judíokana wamüiwa. Namaleiwase na gentilekana wanaa wamaa. Je sükajee tia, Sümaleiwaseichipa wayuu süpüshua. 30 Waneeshia chi Maleiwakai anajiraakai atüma wayuu süpüshua. Na judíokana, oʼyotoona atachiikana, ooʼulaka na gentilekana, moʼyotooju atachiikana, anajiraashii naya napüshua sünainjee neʼe anoujaa nünain Jesucristo. 31 ¿Jamakalaka tü nüshajakat Moisés? ¿Jamüinjatü sukuaippa watüma, waya anajiraainapakana nümaa Maleiwa sünainjee wanoujain nünain Jesús? ¿Nnojolüitpa kasain saamüin wamüin jooluʼu? Nnojolun. Alanaʼaleesia jooluʼu sünain kojutüinjatüin shia watüma, süka wayaawatüitpain joo saaʼu kasapülajatüin shia wamüin nütüma Maleiwa.