Ekirajaaya 16

Tü paainjüinjatkat süpüla piʼyataain nümüin Maleiwa

¿Kasa paainjüinjatka süpüla naʼaleewain pia Maleiwa? (1, 2)

¿Kasa paainjüinjatka süpüla paapüin paaʼin nümüin Maleiwa? (1)

¿Kasa paainjüinjatka süpüla puwoutisaajüin? (2)

¿Kasa paainjüinjatka süpüla paainjüin waneepia tü nümakat Maleiwa? (3)

1. Süpüla naʼaleewain pia Maleiwa pikirajaa sünain tü shiimain suluʼujeejatkat tü Wiwüliakat (1 Timoteo 2:3, 4), punouja sünain tü pütüjaaipakat aaʼu (Hebreokana 11:6), puuʼulaa suulia kaainjalaa (Aluwataaushikana 17:30, 31) otta puuyantaa suulia tü kasa mojusü paainjapuʼukat (Aluwataaushikana 3:19). Sutuma alin püpüla Maleiwa paapüinjatü paaʼin nümüin. Püküjüinjatü nümüin paainjeein tü keeʼireekat naaʼin (Mateo 16:24; 22:37).

2. Süchikijee pikirajaain sünain tü Wiwüliakat otta paapüin paaʼin nümüin Maleiwa, puwoutisaaja (Mateo 28:19, 20). Wanaa sümaa puwoutisaajüin piiʼiyatüin noʼupala na wayuukana paapüipain paaʼin nümüin Jeowa. Na awoutisaajakana naya na wayuu ayaawatakana saaʼu nakuwaʼipa süpüla naʼyataain nümüin Jeowa. Sutuma tia, wanaa sümaa suwoutisaajünüin wanee wayuu emetinnüinjatü süpüshuaʼa shiroku tü wüinkat motsomüina (Marcos 1:9, 10; Aluwataaushikana 8:36).

3. Süchikijee paapüin paaʼin nümüin Jeowa pikeraajüinjatü tü pümakat nümüin (Mateo 5:33). Nuuʼulakeerü paaʼin chi Yolujaakai süpüla puuʼulaain suulia aʼyatawaa nümüin Jeowa (1 Pedro 5:8). Akatsaʼa paashajaa nümaa Maleiwa (Filipos 4:6, 7). Pikirajaa sünain tü Wiwüliakat weinshi (Aluwataaushikana 17:11). Puutkajaa waneepia namaa na aküjüliikana pütchi nüchiki Jeowa (Hebreokana 13:17). Maʼaka paainjüle süpüshuaʼa tüü, paainjeerü waneepia tü nuchuntakat Maleiwa pümüin.

[Pütchi wunaapünaaka]