Suʼttia tü shiʼipakat 14

Na anoujashii namaiwajanakana naküjain tü süchikikat Nuluwataaya Maleiwa suluʼu mmaka süpüshuaʼa. Nuʼunirüin Jesús nakuwaʼipa sünain aküjaa pütchi. Nükaalinjain naya süpüla natüjain aashajawaa suluʼu nanüiki na wayuu naküjakana amüin pütchi. Naapüin Jehová namüin yalayalaa aaʼin süpüla eejiraain naya müliapa naya atumawaa.

Niiʼiyatüin Jesús nümüin chi aluwataaushikai Juan tü nüpülainkat Jehová. Jee müsia waneʼeya, niiʼiyatüin Jesús nümüin Juan tü naaʼinrajatkat Maleiwa sükajee Nuluwataaya süpüla najaʼttirüin Satanás sümaa tü nuluwataakalü aaʼu. Niʼrüin Juan sünain nuluwataain Jesús wanaa namaa 144.000 anoujashii. Niʼrüin sünain paaʼinwajiraain na wayuukana sümaa naʼwaajüin Jehová suluʼu tü Paʼaraiisükat yaa mmapaʼa.