Aküjünaka wamüin

◼ Karaloukta waküjüinjatka aka pütchi apüriit otta maayoʼu: La Atalaya otta ¡Despertad! Wouyantapa wachikuaʼa eemüin na wayuu keeʼireekana ekirajawaa, maka naaʼin na oʼunakana sünain «tü ekawaa aipaʼajatkat nutuma chi Senyotkai» otta waneeirua outkajawaa akatsaʼa nnojoluin nanoujiraain wamaa. Pikiraja naya süka tü karalouktakat Kasa shikirajaka. Juunioʼu: ¿Kasa shikirajaka maʼin tü Wiwüliakat? Juulioʼu: Saaʼin wayuu outusü... ¿Eeshii süpüla sükaaliinjüin waya? ¿Saainjüin kasa mojusü wamüin? ¿Shiimainchejee eein?, ¡Talata pia waneepia sümaa katüin poʼu saaʼu tü Mmakat!, Eeshi süpüla paʼaleewain Maleiwa.

◼ Aʼyataajeena maʼin waya sünain aküjaa süchiki tü outkajawaa miyoʼu apünüinkat kaʼi otta eeinjanale na wawalayuu naatakana oumain aainjünajatka soʼu 2009 sainküin tü mmakat süpüshuaʼa. Napüshuaʼa na ojuʼitakana sünain aküjaa pütchi eitajeena wanee karaloukta süpülajatkat tia. Aainjüneerü tia apünüin semaana süpülapünaa tü outkajawaa nuʼunüinjatkat anain na wawalayuukana.

◼ Aapüneerü suluʼu tü outkajaaleekat namüin na aküjüliikana pütchi tü karaloukta sümaajatkat nanülia. Na oʼunajanakana sünain tü outkajawaakat eere nantüin na wawalayuu naatakana oumain ayateerü nalüʼüjüin tü karaloukta sümaajatkat nanülia.

◼ Süka shipitajüneerüin maayoʼu 23 soʼu 2009 Weteet Wenesueela sütteerü shia. Soʼu kaʼikat tia, nnojoleerü aluwataanüin karaloukta namüin na wawalayuukana otta nnojoliishii süpüla waraittüin chamüin na wawalayuukana.