Tü anakat maʼin sünain waʼyataain
Kolonpia. Talatüshii waya sümaa waküjüin jümüin tü kasa kooʼomüinkat sünain waʼyataain awüriiroʼu:
145.189 aküjülii pütchi, 1.600.047 rewiisüta, 899.854 ouyantünaka anainmüin, 16.974 pürekutsoot rekulaat (alatüirü 38 kashi sünain ayatüin kooʼomüin naya). Otta waküjeein noutkajaain 460.776 wayuu süpüla Sotuin Waaʼin ouktüin Jesuu.
Wenesueela. Anasü maʼin naʼyataain na wawalayuukana Wenesueela. Kooʼomüinsü naʼyataain awüriiroʼu: 17.904 pürekutsoot rekulaat, 117.231 aküjülii pütchi, 2.794.421rewiisüta otta 187.972 wayuu ekirajaaka sünain tü Wiwüliakat. Kooʼomüinshii 17.000 na aküjüliikana pütchi awüriiroʼu soʼu 2010 suulia eneeroʼu soʼu 2007. Otta taasia, aküjüshii naya pütchi 14,3 oora otta eitajüshii 17 rewiisüta waneʼewai nakua.