KOROLO KOJUTUSÜ SULUʼUKA TÜ WIWÜLIAKAT | 2 CORINTO 4-6
Nnojoleena waya ooʼulaain suulia aʼyatawaa nümüin chi Senyotkai
Kepiashi wanee wayuu sümaa nuʼwayuuse otta nüchonnii suluʼu wanee edificio mojuchonka. Yala naʼütpaʼa eetaashi joo wanee wayuʼuya kepiakai sümaa nüchonnii otta nuʼwayuuse. Chi wayuu waashajaakai achiki palajana mojusü maʼin naaʼin akaisaʼa chi wane talatüshi maʼin. ¿Jamüsüche talataka naaʼin? Shia süka nukolojooinjachin suluʼumüin wanee piichi jeket anachonka maʼin.
«Watüjaa aaʼulu sünain müliayülüinya süpüshua tü kasa akumajuushikalüirua je keeʼireesü maʼi saaʼin taasheein shia suulia». Naatapejeʼe wakuwaʼipa waya aʼyataakana nümüin Maleiwa süka nüküjain wamüin wainma kasa kaʼatapalaka anain waaʼin (Ro 8:22). Nnojoleerü waneepiain tü müliaa weʼrakat maaʼulu mayaapejeʼe kakaliairüin shia. Akaajasaʼa tü kasa anasü naapeetkat wamüin Jeʼwaa süpüleerü kaʼikat süpüshuaʼa. Shiale jülüjain waaʼin tü kasa eejeetkat nuluwataapeena Maleiwa, talateena waya otta nnojoleena waya ooʼulaain suulia anoujaa.