KOROLO KOJUTUSÜ SULUʼUKA TÜ WIWÜLIAKAT | 2 CORINTO 11-13
Eejatü nünain Pablo wanee müsü aka saaʼin keipüse asaʼijaka niʼiruku
Kojuyatua shiʼitaanüin suluʼu tü Wiwüliakat tü pütchikat «keipüse». Niyaawasesü shia wanee wayuu mojulaakai otta müliaka atuma wayuu. Eesü shiyaawasere shia wanee kasa müliaka atuma wayuu (Nú 33:55; Pr 22:5; Eze 28:24). Nüküjain Pablo eejatüin nünain wanee müsü aka saaʼin keipüse asaʼijaka niʼiruku, eeshii süpüla nayain naashajaain achiki na ekirajüliikana sünain alawaa jee nayale na mojukana anüiki nüchiki jee süchiki niiʼiyataain nümüin Maleiwa. Yaa wünaapünaa, eʼitaanüsü waneirua wetsiikulo süpüla wayaawatüin saaʼu waneirua kasa eeka süpüla shiain nüküjeein sükajee tia pütchikat.
¿Eesü pünain wanee kasa eekai müin aka saaʼin keipüse asaʼijaka piʼiruku?
¿Kasa paaʼinrüinjatka süpüla piiʼiyatüin niain Jeʼwaa chi akatsüinreechikai paaʼin?