¿Jamüsüche nünüiki Jeʼwaa?

Süpülapünaa waneeküin wanee kasa waaʼinrajatka jaʼitairü kapüleein jee mapüleein shia, ¿jülüjasüche waaʼin jamüin nünüiki Jeʼwaa süchiki tia? Nnojotsü weʼraajüin süpüshuaʼa tü kasa jülüjakat naaʼin Jeʼwaa, nüküjapejeʼe wamüin suluʼu tü Wiwüliakat tü wakuwaʼipainjatkat süpüla yapain waya süpüla waaʼinrüin «süpüshua tü kasa anasü talatakat atüma naaʼin» (2Ti 3:16, 17; Ro 11:33, 34). Niyaawata aaʼu Jesuu tü keeʼireekat naaʼin Jeʼwaa nüpüleerua otta palajanasü shia nutuma (Jn 4:34). Akaʼaya wayakana, waneeküinjatü süpüla waaʼinrüin tü kasa talateechika atuma Jeʼwaa (Jn 8:28, 29; Éf 5:15-17, TNM).

SÜCHIKIJEE JÜNAJÜIN TÜ VIDEOKOT AYATA WAYAAWATÜIN SAAʼU TÜ KEEʼIREEKAT NAAʼIN MALEIWA WAPÜLEERUA (LE 19:18), JUSOUTA SHIʼIPAJEE TÜÜ:

• ¿Jamüsü weʼitaainjatka sünain wakuwaʼipa tü pütchi suluʼujeejatkat tü Wiwüliakat?

• ¿Jarat tü pütchi suluʼuka tü Wiwüliakat jülüjainjatka waaʼin süpülapünaa waneeküin tü muusika waapajüinjatkat?

• ¿Jarat tü pütchi jülüjainjatkat waaʼin waneeküinjatpa tü anakat süpüla washeʼinjatüin?

• Jülüjainjatü waaʼin tü pütchi suluʼujeejatkat tü Wiwüliakat waneekapa tü waaʼinrajatkat, ¿maʼaka kasa anain?

• ¿Kasa waaʼinrajatka süpüla wayaawata wayaawata wamüin tü keeʼireekat naaʼin Jeʼwaa wapüleerua?