¿Anasüche wakuwaʼipa sutuma tü sümakat tü poyeetokot Pikirajaa waneepia sünain tü Nüchikimaajatkat Maleiwa?

¿Paashajeʼerüinche weinshi tia poyeetokot? Nnojorüle müin shia putuma, ¿eesüche süpüla puuʼulaküin paashajeʼerüin shia weinshi? Eeshii na aashajeʼerakana shia wattaʼa maalü otta jülüjasü naaʼin tü pütchi süküjakat soʼunnaa naainjain wanee kasa soʼu tia kaʼikat (Jos 1:8; Sl 119:97). Eʼitaanawaisü wanee wetsiikulo suluʼu tia poyeetokot, ¿kasache paaʼinrüinjatka süpüla anainjatü pukuwaʼipa sutuma? Paashajeʼera tü pütchi eekat süpülapünaa tia wetsiikulokot otta tü eekat süchikijee. Püneeka wanee wayuu nümaiwajachi aʼyataakai nümüin Maleiwa wanaapünaakai akuwaʼipa sümaa tü pütchi paashajeʼerakat. Süchikijee, paainja tü sümakat tü wetsiikulokot. Waaʼinrüle tü sümakat tü Wiwüliakat, aneerü wakuwaʼipa sutuma (Sl 119:105).

Na wawalayuu suluʼukana Weteet sainküin mmakat süpüshuaʼa, ekirajaashii sünain tia poyeetokot süpülapünaa noʼttüin sünain aʼyatawaa. Tü pütchi ekirajünawaikat sünain tü Aʼwaajaakat Maleiwa wattaʼa maalü, eʼitaanüsü süpüshi suluʼu JW Broadcasting^®, suluʼusü video EEJEERE SAASHAJAANÜIN TÜ PÜTCHIKAT. ¿Joujatü pünajüin wanee makalü aka saaʼin tia? Eesüjaʼa shiale tü pütchi choʼujaakat maʼin pümüin. Wekirajaa süchiki tü alatakat nümüin Lot jee jamüsü sünainpünaaka shia wakuwaʼipa.

SÜCHIKIJEE JÜNAJÜIN TÜ VIDEOKOT NNOJO KEEJIAIN WAMÜIN TÜ KASA MOJUSÜ NAAʼINRAKAT NA MANOUJAINSALIIKANA (1JN 2:15), JUSOUTA SHIʼIPAJEE TÜÜ:

• ¿Jarat tü wetsiikulo ekirajünakalü anain?

• Sünainjee tü alatakat nümüin Lot, ¿jamüsü watüjaaka saaʼu mojuin keejiale wamüin tü kasa mojusü naaʼinrakat na manoujainsaliikana jee shiale tü kasa keeʼireekat naaʼin? (Gé 13:11-13; 14:12; 19:3, 12, 13, 24-26).

• Aire wapüla Jeʼwaa, ¿kasa waaʼinrüinjatka süpüla nnojoluin keejiain wamüin tü kasa mojusü naaʼinrakat na manoujainsaliikana otta tü kasa keeʼireekat naaʼin?