WAKUWAʼIPA SÜNAIN ANOUJAA
Jujuta süpüshuaʼa tü shiyaakuakat jümaleiwaseyaasükalüirua
Nütüjaa aaʼu Jacob niainjachin neʼe Jeʼwaa aʼwaajünaka nümüiwaʼa (Éx 20:3-5). Wanaa sümaa nüküjain Jeʼwaa nümüin Jacob nükolojooinjachin chaa eemüin tü pueulokot Betel, nüküjain Jacob namüin na nüpüshikana jee na wayuu nümaajanakana nojutuinjatüin tü namaleiwayaasükalüirua. Nojoitüin tia Jacob sümaʼaleʼeya tü cheʼesaakalüirua, eesüjaʼa süpüla sümaʼanapuʼuin paala wayuu tia süpüla nnojoluin sülatüin kasa mojusü sümüin (Gé 35:1-4). Anasü nümüin Jeʼwaa tü naainjakat Jacob.
¿Jama maaʼulu yaa? ¿Kasa waaʼinrajatka süpüla niainjachin neʼe waʼwaajüin Jeʼwaa? Tü waaʼinrajatkat palajana shia nnojoluin sünainpünaain waya aʼwaajaa maleiwayaasü otta tü sünainpünaakalü ouutsü. Nnojoluinjatü wamaʼanain waneirua kasa sünainpünaaka yolujaa otta jülüjainjatü waaʼin kasain wanajüin, waapajüin otta kasain washaitüin. Püsakira paaʼin sünain tüü: «¿Taashajeʼerüinche karaloʼuta jee shiale tanajüin peliikula kanainka wanpiiro, zombis jee waneirua kasa sünainpünaaka yolujaa? ¿Anasüche saaʼin tamüin anajaa, aapajaa otta ashaitaa kasa sünainpünaaka tü naaʼinrakat na yolujaakana?». Nnojoluinjana waya sünainpünaain tü kasa nülerajakat Jeʼwaa (Sl 97:10).
SÜCHIKIJEE JÜNAJÜIN TÜ VIDEOKOT JÜʼLEEJA CHI YOLUJAAKAI, JUSOUTA SHIʼIPAJEE TÜÜ:
¿Kasa alataka sümüin Palesa, wanee wayuu ekirajaaka sünain tü Wiwüliakat?
¿Jamüsü anaka wachuntule kaalinwaa namüin na laülaashiikana sünainpünaale waya ouutsü?
Püʼleeja chi Yolujaakai otta pürütkaa nünainmüin Maleiwa (Snt 4:7, 8).
¿Kasa waaʼinrajatka keeʼireere waaʼin naaʼinmajüin waya Jeʼwaa?
¿Kasa saaʼinraka mapa Palesa?
¿Kasa paaʼinrajatka pipialuʼu süpüla nnojoluin sünainpünaain pia yolujaa?