KOROLO KOJUTUSÜ SULUʼUKA TÜ WIWÜLIAKAT | GÉNESIS 40, 41
Taashishi José nutuma Jeʼwaa
Süpülapünaa taashin José nutuma Jeʼwaa, achepchieeshi nia otta püreesashi nia soʼu poloo apünüin juya. Wainma tü kasa nütüjakalü apüleerua anakalü atumaa nukuwaʼipa, nnojotsü üttakuʼu müin naaʼin (Sl 105:17-19). Nütüjaa aaʼulu nnojoluin motuin nia naaʼin Jeʼwaa. ¿Kasa naaʼinraka José mayaapejeʼe müliain nia?
Aʼyataai maʼin nia otta anoujüna anainrü nünüiki. Wainma kasa anasü naapaka Jeʼwaa nümüin saaʼujee tia kasa naainjakat (Gé 39:21, 22).
Kapülasü naaʼin nakuwaʼipa na waneinnua suulia pasalaweein nia namüin na aainjakana kasa mojusü nümüin (Gé 40:5-7).
Sülatüle kasa mojusü tamüin, ¿jamüshi sükaalinjeechika taya tü alatakat nümüin José?
¿Kasa eeka süpüla taaʼinrüin maaʼulu süpülapünaa taashin taya nutuma Jeʼwaa soʼu Armagedón?