Eeshii süpüla waküjain pütchi wapüshuaʼa jee wekirajüin wayuu

Nüküjapuʼuin Moisés, isain nüchiki naaʼinrüin tü nuluwataakalü anain nia Maleiwa (Éx 4:10, 13). ¿Alatüirü pümüin tü alatakat nümüin Moisés? ¿Ekirajaashi pia sünain tü Wiwüliakat namaa na aküjaliikana pütchi nüchiki Jeʼwaa? ¿Tainküinche aküjaa pütchi sainküin miichi? Jimaʼaire pia jee majayürüle pia, ¿mmotshi pia sünain aküjaa pütchi chaa koleejialuʼu? ¿Kapüleesüche pümüin püküjain pütchi eere wainmain wayuu jee shiale suluʼupünaa teleepono? Puchunta nümüin Jeʼwaa nükaaliijai pia nükajee chi naaʼinkai (1Pe 4:11, TNM). Eesü süpüla piʼitaain paaʼin sünain naapeerüin pümüin Jeʼwaa tü choʼujaakat süpüla pikeraajüin tü aʼyatawaa niʼitaakat püpüleerua (Éx 4:11, 12).

SÜCHIKIJEE JÜNAJÜIN TÜ VIDEOKOT MEIMMOLUINJANA JIAKANA, AKÜJALIIKANA PÜTCHI, JUSOUTA SHIʼIPAJEE TÜÜ:

• ¿Kasa isapuʼuka maʼin süchiki Aoyama?

• ¿Kasa saaʼinraka süpüla katchin saaʼin jee meimmoluin shia? (Jer 20:7-9).

• ¿Kasa anasü shiʼraka sutuma sükooʼomüinrüin maʼin shiʼyataain nümüin Jeʼwaa?

• ¿Kasa nükaaliijeechika anain pia Jeʼwaa püküjapa pütchi?