Atüjainjachi pia aküjaa pütchi: Püküja pütchi suluʼupünaa interfono jee shiale citófono

¿JAMÜSÜ CHOʼUJAAKA? Suluʼu wainma mma akooʼomüinraashii maʼin na kaʼruwaraliikana. Suluʼujee tia, wainma na eʼiteʼerakana nepialuʼu cámara otta interfono. Eeshiijaʼa müin mmoluyaakai waaʼin waküjale pütchi nümüin wanee wayuu sümaa nnojoluin weʼrüin nia, eekajaʼa niakai, niʼrüin waya suluʼupünaa cámara. Anuu waneirua kasa akaalinjeenaka waya waküjapa pütchi suluʼupünaa cámara, interfono jee shiale teleepono.

ANUU SUKUWAʼIPAINJATKA:

• Naapajeerü pünüiki na waneinnua. Na wayuu eʼiteʼerakana cámara nepialuʼu jee shiale tü interfono münakat, yooteena naya wamaa.

• Süpülapünaa pukonotüin tü timbrekat sükürawaajüin pia tü cámarakat otta na wayuu suluʼukana nepia, naapajüin pünüiki jee neʼrüin pia pürütkaapa soʼuluʼu nepia.

• Nusoutule chi wayuu nipiajachikai suluʼupünaa tia, yooto pia nümaa maʼaka saaʼin püküjale pütchi nümüin wanee wayuu soʼuluʼu nipia, pukulemeraa otta maa pukuwaʼipa maʼakaajüle püküjawaʼipa pütchi. Paashajaale shiʼipoʼujee wanee cámara, nnojo pürütkaain maʼin sünainmüin. Nnojorüle susoutuin wayuu suluʼupünaa tia, nnojo püpütüin wanee mensaaje.

• Kettaapa pia süchikijee aashajawaa, soto paaʼin ayatüin pia niʼrüin chi wayuu nipiajachikai otta naapajüin pünüiki.